صفية العمري: مصطلح السينما النظيفة «بيعصبني» لأنه مهين (فيديو)

قالت الفنانة صفية العمري إنها تنفعل كلما استمعت لمصطلح السينما النظيفة.
وأضافت في لقائها مع برنامج "حبر سري" على قناة "القاهرة والناس": «الكلمة نفسها وحشة، مهينة، إيه السينما النظيفة وغير النظيفة؟!».
وتابعت: «السينما فن راقي بتقدم مواضيع فيها فن وتجارة، الكلمة نفسها معصباني جدًا فهي عيب جدًا، مقدرش أعلق عليها لأنها عيب».
وأردفت:«المشاهد كانت بتتقدم في أفلام الأبيض والأسود عمرك شوفتي حد بيعلق تعليق مش كويس، الفنانات زمان كانوا بيلبسوا ملابس شيك كانت حاجة محدش يعلق عليها بشكل غير أخلاقي».
استطردت: «المجتمع اتغير للأسف، وأنا صعبان على الشباب، فين الثقافة؟ فين الكتاب والمزيكا؟ فين الشباب اللي كانوا بيروحوا المراكز الثقافية، فأكبر مصيبة جت في الكون هي السوشيال ميديا».
اقرأ أيضًا:
صفية العمري: «بخاف تيجى لحظة الموت وولادى بعيد عنى»