«متزعليش».. مسلم يطرح أحدث أغانيه (فيديو)

طرح المطرب مسلم أغنيته الجديدة «متزعلش» وهى الأغنية الخامسة من ألبومه الجديد، وذلك عبر موقع الفيديوهات «يوتيوب» وجميع المنصات الموسيقية ومحطات الراديو.
أغنية «متزعلش» كلمات وألحان مسلم، وتوزيع موسيقي علي الدين قمر، ميكس وماستر نور عباس، وهى من توزيع شركة ديجيتال ساوند.
أغنية «متزعليش» تجربة فنية جديدة، يتناول فيها مسلم فكرة خوف الشخص من الارتباط، والدخول في علاقة حب جديدة، بعد ابتعاده لفترة طويلة، نتيجة تجارب صادمة أثرت عليه، وتأتى هذه الأغنية استكمالا لقصص الأغانى السابقة التي قدمها مسلم، بداية بأغنية «قلب في الدفاتر» وهى درامية حزينة، تعبر عن نهاية قصة حب، مليئة بالغدر والخداع، ثم بعدها أغنية «صعبان عليك» والتى يحكى فيها عن سيطرته على مشاعره، وشفائه من جرحه، وأغنية «هنتقابل» التي وضع فيها حدودًا فاصلة بينه وبين حبيبه السابق.
وتقول كلمات «متزعلش»: «بقيت اخاف ألمس حاجه اكسرها.. وبقيت لما اتوجع من شىء اضمه ف حضني وابكيله.. واقوله خلاص انا خفيت متزعلش وجع هيروح.. وانا والله مش مجروح ومش مستاهله يعني دموع.. الحزن دا مني ماخترتوش نقسم كل شىء بينا.. إلا الفراق خليه لو حزني كان منك.. ف قلبي اولى بيك ف يوم هنتوه انا وانت.. وهيبقى بينا كتير ومش هنسى لو كلمة.. انا عند وعدي ليك يعز عليا اسيبه يروح.. دا اصعب من فراق الروح انا مسامح ولو مظلوم.. لكن ميغيبش عني ف يوم كل واحد يروح ف طريق.. ونبعد أد ما نبعد بنكدب واحنا مش حاسين.. بإن هروبنا دا بيتعب ودا الحل اللي كان اسهل.. لا بيداوي ولا يريح وكان فين قلبي من قلبك.. انا مشتاق اكيد زيك نقسم كل شىء بينا.. إلا الفراق خليه لو حزني كان منك.. ف قلبي اولى بيك ف يوم هنتوه انا وانت.. وهيبقى بينا كتير ومش هنسى لو كلمة.. انا عند وعدي ليك متزعلش وجع هيروح.. وانا والله مش مجروح ومش مستاهلة يعني دموع.. الحزن دا مني ماخترتوش».