والد بغدودة: ابني كان بيشحت الجزمة اللي بيلعب بيها من زمايله

شن فؤاد بغدودة والد لاعب منتخب مصر للمصارعة الرومانية أحمد فؤاد بغدودة هجوما عنيفا على مسؤولي اتحاد المصارعة بعد التصريحات التي أطلقوها في الأيام الماضية بشأن نجله وهروبه من معسكر منتخب مصر في تونس.
كان اللاعب أحمد فؤاد بغدودة لاعب المنتخب القومي للمصارعة الرومانية قد غادر معسكر المنتخب أثناء بطولة إفريقيا بتونس والتي حصل بها على المركز الثاني وزن 63 كجم ولم يتم العثور عليه حتى الآن وعلم المسؤولون بعد ذلك بهروبه إلى أوروبا.
اقرأ أيضًا: اتحاد المصارعة يفجر مفاجأة جديدة وراء هروب اللاعب بغدودة
وقال والد بغدودة في تصريحات تليفزيونية: «منعرفش أي حد في فرنسا عشان يسافر لهم ابني هناك، أنا راجل فقير على قدي شغال على توكتوك لا أعرف حد في فرنسا ولا في حتة تانية».
وتابع والد بغدودة: «أنا كنت بحاول بحافظ على كرامة ابني في وسط اللعيبة، وابني كان بيشحت الجزمة بتاعته من زمايله عشان يلعب بيها المباريات، وده رد عشان اتحاد المصارعة اللي بيقول بيصرف وبيعمل كل حاجة للاعبين».
وأوضح: «ابني مشي من ضيقة الحال عشان يعالج نفسه ويكوّن نفسه فيتقال عليه هارب، وعضو الاتحاد اللي طالع يقول كان واخد جواز السفر بتاعه عشان كان بيغير عملة في تونس، عملة تونس إيه اللي يغيرها ده بيدوه 50 دولارا مصروف جيب ما يكفوش كيسين شيبسي في تونس».
وأضاف: «حسبي الله ونعم الوكيل، وأنا بعمل نداء لأحمد ابني بقوله بلدك اأولى بيك أحنا اتولدنا في البلد دي وهنعيش في البلد دي وهنموت فيها، بس عايز إلى يطلع يكلم يتقي الله في كلامه».