«شوفلك شغلانة تانية».. يوسف الشريف ترند بعد هجوم نهى العمروسي (القصة بالتفاصيل)

تصدّر اسم الفنان يوسف الشريف تريند محرك البحث «جوجل» خلال الساعات القليلة الماضية، بعدما أثارت الفنانة نهى العمروسي جدلا واسعة بحديثها عن فكرة رفضه للتلامس في الأعمال الفنية، هو وبعض الفنانين.
نهي العمروسي: «المحجبين مبيقعدوش في البيت بالإيشارب»
قالت نهى العمروسي خلال لقائها مع الإعلامية أميرة بدر ببرنامجها "Vip" المذاع على شاشة «هي»: «بشوف الناس دي مش محترفين، ميفنعش أدخل على أبويا وأنا راجعة من السفر مايحضنيش اللي بيمثل دور أبويا، ماينفعش أكون قاعدة في البيت بالإيشارب، المحجبين مبيقعدوش في البيت بالإيشارب، مينفعش واحدة بتعمل دور أختي في مشهد محضنهاش مينفعش إحنا بنمثل».
واستكملت: «مشفتش تعليق حنان ترك على اعتزالها بس بعيد عن الشخصنة أنا مش موافقه على المبدأ، إنما ممنوع اللمس طب انتي بتمثلي ليه؟».
نهى العمروسي ليوسف الشريف: «إنت حر بس شوف شغلانة تانية»
وتابعت نهى العمروسي: «يوسف الشريف بيرفض التلامس، هو حر وأنا لازم أحترمه بس أنا حرة إني أقول لا، إنه مش محترف وده مش فن، مينفعش إنت تحطلي شروط وإنت شايف إن ده حرام متلعبهاش خالص لكن إنت راضي إنك تشتغل الشغلانة دي تشتغلها بمصداقية أو تشوف شغلانة تانية».
يوسف الشريف يتحدث عن التلامس في أعماله الفنية
وكان الفنان يوسف الشريف قال في تصريحات تلفزيونية سابقة إنه وضع شروطا على المشاهد الجريئة أو مشاهد القبلات منذ نحو أكثر من 10 سنوات، وقرر أن يكون الاتفاق المبرم مكتوبًا في العقد.
وأوضح أن الأمر يراوده منذ مشاركته في بطولة فيلم «هي فوضى»، الذي أعرب عن سعادته وفخره بالمشاركة به، ولكن والده رأيا أن بعض المشاهد لا تناسبه نهائيا.