«سكت عن حقي كتير».. أحمد التهامي يكشف مفاجأة عن فيلم تامر حسني

كشف الفنان أحمد التهامي مفاجأة عن فيلم تامر حسني الجديد، الذي يحمل اسم «تاج»، والذي يواجه تامر فيه عدة أزمات بسبب اعتذار مي عز الدين، وكذلك هنا الزاهد، والذي تدور أحداثه حول فكرة ظهور تامر بشخصيتين توأم.
وكتاب أحمد التهامي في منشور عبر حسابه الرسمي بموقع التواصل الاجتماعي «فيس بوك»: «أنا سكت كتير عن حقي عشان ما زعلش حد مني، اتشلت من أدوار كتير وقولت مش مهم ولحد دلوقتي مش واخد حقي الفني والأدبي والمادي اللي يليق بمجهودي وتعبي في مشواري الفني، وقولت كل شيء نصيب والحمدلله على حب الناس».
وتابع أحمد التهامي في منشوره: «الدنيا مستورة والحمدلله .. إنما توصل إن مشروعي.. مشروع عمري اللي أنا تعبت فيه في كتابته ولفيت بيه على معظم شركات الإنتاج ولسه عندي يقين وإيمان بالله إن هيجي يوم وأعمله يتسرق مني، ويعمله حد تاني بغض النظر ده فيلمي ومشروعي، وأنا أول واحد من 10 سنين فكرت في فكرة البطل الخارق».
واستكمل التهامي ي منشوره: «وطول الفتره دي كان يتسرق أجزاء من الفيلم وقول عادي.. إنما (التوأم الخارق) ده بتاعي ومسجله في المصنفات والشهر العقاري.. تامر حسني صاحبي وأخويا وأكيد ما يعرفش المعلومة دي أرجو الرسالة توصله لأن أكيد في ناس كتير مؤذية وحسبي الله ونعم الوكيل، أنا حاولت أوصل ل تامر حسني ومعرفتش».