كشف الفنان مدحت صالح، تأثره الشديد بعد وفاة الفنان وائل نور. وأضاف في لقاءه مع الإعلامية أسما إبراهيم في برنامج حبر سري على قناة القاهرة والناس: «السند الحقيقي في الناس اللي حواليا، الفلوس أهميتها أنها تتصرف، أجمل حاجة في الفلوس أنها تتصرف». وتابع: «عمر ما ضهري انكسر لأن سندي الوحيد ربي، لكن تأثرت نفسيًا لوقت ما، وحصل ذلك بعد رحيل والدتي ثم والدي، ثم صديقي وائل نور مؤخرًا». وأردف: «سندي دلوقتي هو ربي وأسرتي الصغيرة ومن نعم ربنا على شخصياً أنه وهبني ناس بتحبني في الله وبيخافوا عليا جدا، فأنا ممكن أبص في عين اللي قدامي أعرف هل هو صادق أو كذاب، فأكبر رزق هو الناس اللي بيحبوني في شغلي وبيتي». كما كشف المطرب مدحت صالح عن تأثره الشديد بعد وفاة والدته، قائلا «إحساسي بأمي أغلى من البكاء، البكاء مش هيخليني أعرف قيمتها، لكن فقدانها شئ صعب». وأوضح : «إحساس أنك كنت متطمن وبعدين خفت من الدنيا، ده الشعور اللي شعرت به بعد وفاة أمي الله يرحمها».