«القطط بتخضني والكلب عدو للإنسان».. حسن الرداد يكشف مدى علاقته بالحيوانات (فيديو)

كشف الفنان حسن الرداد ، مدى علاقته بالحيوانات حيث حل ضيفًا، ببرنامج «صاحبة السعادة» المذاع عبر قناة dmc، مع الاعلامية الكبيرة إسعاد يونس، حيث تحدث عن ذكرياته المختلفة والسيئة مع القطط والكلاب، وعدد من المواقف الكوميدية مع زوجته الفنانة إيمي سمير غانم.
وقال «الرداد» :«أتعاطف جدًا مع الحيوانات، أنقذت مرتين من قبل، قطط لكن ماليش فيهم خالص، وطوال عمرى لا أحب الحيوان اللى حركته سريعة، وتاريخي مع القطط والكلاب مش حلو خالص، عشان كانوا بيجروا ورايا دايما في الطفوله، لما أمي تبعتني في مكان، وبالنسبة لي الكلب مش صديق الإنسان لكن عدوه».
أضاف :«القطط كانت بتخضني جدا بسبب صوتها، وأنا في النادي أو طالع السلم وألاقيها تسيب الدنيا وتيجي تقعد جنبي أقولها ليه اشمعنى أنا».
تابع :««أنا مرة أنقذت قطة في رأس البر، كانت فيه مطرة شديدة جدا، والقطة صغيرة جدا كانت بتغرق،أخدتها وقعدتها في الشمس وجبتلها لبن».
استكمل «الرداد» قائلا :«لما تزوجت إيمي سميرغام كنت بستغرب حبها الكبير للكلاب، وشوفت هي بتحب الحيوانات كأنها واحد من أولادها، إيمي ماشية على طول معها في عربيتها أكل للكلاب والقطط اللي في الشارع».
وأردف عن موقفا كوميديا بينه هو وزوجته ايمي سمير غانم وقال: «كنت في البيت وفي لحظة رومانسية لقيت إيمي بتقولي ،حسن أنا بقيت بحبك قد الكلاب، بقولها ده مدح ولا ذم، قالتلي أنا كنت بقول لبابا أنا بحبك أنت والكلاب، بعدين فهمت اللي بيحبوا الكلاب دول بالنسبه ليهم حاجه كبيرة متجيش جنبهم كأنه واحد من أهلهم».
وفي سياق أخر يذكر أن الفنان حسن الرداد يعرض له حاليا فيلمه الجديد «تحت تهديد السلاح»، بطولة حسن الرداد، مي عمر، شيرين رضا، بيومي فؤاد، عمرو عبدالجليل وعباس أبوالحسن،ومن تأليف أيمن بهجت قمر،وإخراج محمد عبدالرحمن حماقي.