فيدرا عن منع هند عاكف من دخول افتتاح «القاهرة السينمائي» : لو عندي هروح وأدخلها

علقت الفنانة فيدرا على أزمة منع دخول الفنانة هند عاكف لمهرجان القاهرة بسبب عدم وجود دعوة شخصية معها، وأشارت إلى أنها أول مرة تدلي برأيها في أزمة أو تريند.
وأضافت «فيدرا» عبر فيس بوك: قررت أقول رأيي، وده في حد ذاته مش معتاد في كل ما يخص الترند واللي بدعوة، لو انا عاملة عزومة كبيرة ومهمة وكل الناس VIP، ولازم يكونوا على الجست لست، وحصل إن شخصا مش مدعو جه وعايز يخش وبشدة، أنا حروح بنفسي وأكرمه وأدخله، وأقوله إتفضل، أهلا وسهلا، ده اسمه كرم أخلاق وجبر خواطر.
وعلق عدد كبير من الفنانين، حيث ردت المخرجة روجينا بسالي عليها قائلة: «ماتعزموها في البيت يا جماعة، كرم وجبر خواطر إيه بس؟، إحنا لو إتعاملنا بالشكل ده حايبقى سيرك».
وقال الناقد محمد سيد عبدالرحيم: «المهرجانات والاحتفاليات ليها قواعد في أي مكان في العالم».