ميدو : الأهلي سيضم صفقتين سوبر .. وهذا اللاعب سيكون مفاجأة بيراميدز

كشف أحمد حسام «ميدو»، نجم الزمالك السابق، خطة الأهلي في تدعيم صفوفه بصفقات جديدة استعدادا للموسم الجديد.
قال ميدو في تصريحاته عبر برنامج الريمونتادا على قناة المحور: «كريم حافظ هيبقى واحد من نجوم بيراميدز في الموسم الجديد، زي زيزو نفس الأكاديمية شخصية محترفة وعنده خبرة»
أضاف: «لا أتوقع أن يدخل بيراميدز الموسم المقبل بثلاثة لاعبين في الظهير الأيسر، لأن هذا سيحدث خلل في أوضة اللبس»، مضيفًا: «مجرد إحساس مش معلومة، إن الأهلي ممكن يتحرك للتعاقد مع محمد حمدي أو حسين السيد لاعبا فريق بيراميدز فالأهلي يحتاج إلى ظهير أيسر».
وواصل: «الموضوع مش موضوع لاعيبة وصفقات وخلاص، الموضوع إنك تجيب احتياجاتك الفنية، والأخبار اللي خارجة من الأهلي إن التحركات هتكون محدودة».
وختم حديثه قائلا: «اللي يقولك إن الأهلي مش هيجيب رأس حربة أجنبي وجناح، يبقى ميعرفش حاجة في الكورة»، مؤكدًا: «الأهلي سيضم مهاجم جامد وجناح هجومي جامد».