بدأت الإعلامية رضوى الشربينى ،حلقتها من برنامجها هي وبس، بتوجيه رسالة نارية لكل رجل خاين ومخادع وغدار . قائلة «ليه لما بتنتهي الحكاية يتقال عليك خاين أو مخادع أو راجل غدار ..كل بنت انت بتدخل معاها في علاقة أو بتديها كلمه أو بتديها أماني وبعدين ما بتنفذش كلامك وتكتشف البنت أنك مخادع ده ذنبه عند ربنا كبير جرح قلوب البنات مش سهل» وأكملت الشربيني موجهة رسالة شديدة اللهجة للرجال «اختاروا اللي تليق على حياتكم اختاروا اللي تليق على شخصيتكم ..في واحده تقبل انك تتجوز عليها واحدة تانية لا ..لو أنت من الرجالة اللي عاوزه تتجوز مثني وثلاث اختار الست اللي تقبل ده ليه تختار ست مش قابله ده !!» وأضافت للرجل الخاين قائلة «لما بتعرف واحده واتنين وتلاته وخمسة على بعض في نفس الوقت! هما مش بني آدمين زيك عندهم مشاعر وكرامة وكبرياء» ووجهت للسيدات كلمة قائلة «الست أو البنت مسئولة أكتر من الراجل الخاين أو المخادع في العلاقة كنتي فين وهما بيهمل فيكي! لازم تتعلمي تقولي لاه ولازم لما تقولي لاه تبقي لاه».