وائل الفشني: «لم أدرس الموسيقى.. أذاكر عن طريق الاستماع»

قال الفنان وائل الفشني، إن يوم رأس السنة الهجرية هو أحد أهم الأيام التي يهتم بها المصريون ويرغبون دائما في الاحتفال بها عبر ذهابهم إلى السيدة زينب أو سيدنا الحسين، «أنا بحب الأجواء دي وبكون متواجد هناك دايما».
وأضاف الفشني خلال استضافته مع الإعلامية قصواء الخلالي، خلال حلقة اليوم الجمعة، من برنامج «في المساء مع قصواء»، على قناة cbc: «اللون اللي ظهرت بيه مش بعيد عن الحب في الإنشاد، ودي حاجة من عند ربنا مش من عندي أنا».
وأوضح أنه لم يدرس مجال الغناء حتى يتفوق فيه، لذا فقد سعى إلى المذاكرة ومعرفة كل ما يخص الموسيقى والغناء، «أعتمد على السمع في المذاكرة، واللي بيلزق في ودني بردده بكل الطرق، وعندي 7 من أخوالي شيوخ وكانت أصواتهم حلوة، والمذاكرة بالنسبة ليا إني أسمع، وأحيانا بسمع أنواع مش عايز أسمعها بس علشان أتعلم».
وتابع: «الناس لسه بتحب أغنية واحة الغروب وبتطلبها مني، وبيطلب مني أغني للأستاذ سيد مكاوي، وكتير بيحبوا يسمعوني في ابتهالات رمضان، وعندي نوعين من جمهوري بستغربهم جدا أولهم الأطفال وثانيهم مرضى متلازمة داون، مرتبطين بيا جدا وبيحسوني أوي وأنا ببتهل، ده اللي عرفني إني حقيقي مش بكدب».