«بتمناله تجاوز مرحلته الصعبة».. أشرف عبدالباقي يرد على تصريحات شريف دسوقي حول فشل مسرحياته

علق الفنان أشرف عبدالباقي، اليوم الثلاثاء، على هجوم الفنان شريف الدسوقي حول تصريحاته بفشل فكرة مسرحيات الأول، مشيرا إلى أنه لا يرغب في التدخل في خلافات بين زملائه بالوسط الفني، مطالبا كل الفنانين الذين يرون أنه فشل في تجربته أن يقوموا بتجاربهم المسرحية الناجحة.
وقال أشرف عبدالباقي خلال استضافته ببرنامج «theinsiderar»: «عشان مندخلش في خلافات شريف الدسوقي أنا بحبه، وبتمناله أن يتجاوز المرحلة الصعبة التي كان يعيش بها خلال الفترة الماضية واللي يقوله أنا متقبله، ولو أي فنان تاني شايف أن تجربتي في المسرح على مدة 10 سنوات وعملت 130 مسرحية في مسرح مصر، و20 مسرحية في مسرح السعودية، مسرح عرايس ومسرح أطفال، مسرحية من لندن ومسرحية شمسية وأربع كراسي، وصباحية مباركة، وهؤلاء بعيدا عن مسرح مصر».
وأضاف: «ومش مضايق واللي يقوله حلو هو أو غيره، ونفسي اللي يقول بدل ما يقول يعمل، وأنا ممثل وشايف أن نوعية مسرح مش عجباني، اذهب لمسرح مقفول وافتحه واعمل النوعية اللي شايفها كويسه، ده هيفيد أكثر من إن احنا نختلف على السوشيال ميديا، وعمري مهختلف ولا معاه ولا مع غيره، رأيك يحترم وفوق راسي وربنا يعطيك الصحة».
View this post on Instagram
A post shared by The Insider بالعربي (@theinsiderar)
وكان الفنان شريف الدسوقي، هاجم الفنان أشرف عبدالباقي، قائلًا: «المسرح اللي بتعمله ده مش مسرح أصلًا.. ده هزار».
وأضاف شريف الدسوقي خلال لقائه مع برنامج «سابع سما» الذي تقدمه الإعلامية «راغدة شلهوب»، والمُذاع على فضائية «النهار»، قائلًا: «أشرف عبدالباقي في مسرح مصر أخد من المسرح المصري كتير.. وفيه شواهد كتير بتقول كده».
وتابع الفنان: «مافيش في الدنيا عرض بيطلع خلال أسبوع أو 4 أيام.. ومافيش في الدنيا إن ممثل يدخل على المسرح يقعد يهزر مع زميله.. وبعدين يطلع ويخش اتنين تانيين يقعدوا يهزروا مع بعض وهكذا.. وفي الآخر نقول ده عرض مسرحي».
وأكمل شريف الدسوقي قائلًا: «اللي بيعمله ده اسمه اسكتشات مش مسرح.. كل الأساتذة اللي درسولنا المسرح طلعوا قالولنا كده».