مصطفى بكري: شعرنا بمرارة في صوت الرئيس السيسي.. والمسألة مش أكل وشرب بس

كشف الإعلامي مصطفى بكري كواليس لقاء الرئيس عبدالفتاح السيسي خلال افتتاح المشروعات الزراعية الأسبوع الماضي.
وقال بكري ببرنامج «حقائق وأسرار» المذاع على قناة «صدى البلد»: «شعرنا بمرارة في صوت الرئيس، وشعرنا أنه عاتب علينا كإعلام أننا لا نهتم بدورنا اللازم في مواجهة الحرب الممنهجة».
وأضاف قائلا: «يا ريس احنا معاك في نفس الخندق شايفين وحاسين، وبنواجه وهنواجه، لكن كمان الحكومة لازم تساعدنا، عايزين معلومات صحيحة وصادقة، وعاوزين نتكلم عن مشاكل الناس بحرية وما يجيش حد يوقفنا أو يضغط علينا، أو نفضل خايفين، فرق كبير جدا بين رجال الدولة، وبين أعداء الدولة، بين الرأي السليم حتى لو مخالف وبين الشائعة وتزييف الحقائق».
وتابع أنه كما قال الرئيس «كل إجراء معملنهوش من 40 أو 50 سنة بندفع تمنه دلوقتي».
وأوضح مصطفى بكري: «المسألة مش أكل وشرب وبس، أيوه الناس تشتكي من الغلاء وانفلات الأسعار والتجار الجشعين معدومي الضمير، لكن هل تناسينا البلد كانت ايه وبقت إيه».