بعد انفصالها عن حسام حبيب.. شيرين عبد الوهاب تطرح أغنية «خاصمت النوم» (فيديو)

طرحت الفنانة شيرين عبدالوهاب أغنية جديدة بعنوان «خاصمت النوم» عبر موقع الفيديوهات يوتيوب، وذلك بالتزامن مع انفصالها عن زوجها المطرب حسام حبيب.
أغنية «خاصمت النوم» كلمات عمرو المصري، وألحان عمرو الشاذلي وتوزيع ومكس عمرو الخضري وجيتار مصطفى نصر.
وتقول كلمات أغنية «خاصمت النوم» :«بعدك مارتحتش يوم ونسيت وخاصمت النوم انا لسه مكاني ولا اتحركت بفكر فيك ......... هكدب لو قولت بخير بصراحه انا وجعي كبير متقولش ان انتا نستني وعادي وهنت عليك يرضيك يعني اعيش مافيش ولا أي حاجه نفعاني عشان انساك منا اصلا روحي معاك انساك ازاي وبأيه ......... ريح قلبي قول حلول خلينا نرجع تاني بلاش وداع وكفايه وقت ضاع ما البعد بنتعب فيه ............. فاكر ايامنا زمان قعدتنا في كل مكان وكلام ووعود اننا عمرنا ما نفارق بعض طب ليه يا حبيبي مشيت لا رجعتلي ولا حنيت وسايبني لوحدي بكلم نفسي في عز البرد».
كانت الفنانة شيرين عبدالوهاب وجهت رسالة إلى طليقها الفنان حسام حبيب، «إنت إنسان كويس، ومعدنك نضيف، وياريت تشتغل على نفسك، والراجل لازم يفضل راجل، عندك حاجات حلوة كتيرة حرام تدفن».
وأشارت «عبدالوهاب»، خلال اتصال هاتفي مسجل ببرنامج «الحكاية» المذاع عبر فضائية «إم بي سي مصر»، مساء السبت، إلى أنها أصيبت باكتئاب بسبب فيروس كورونا، وانفجار مرفأ بيرت، معقبة: «أنا بستغرب على الناس اللي لما الدنيا فتحت راحت على الساحل».
وأضافت شيرين عبدالوهاب، مخاطبة جمهورها، «ربنا يجعلكم سند ليا، والحضن اللي يحتويني، وحضن الأمان»، متابعة: «ربنا يخليلي رئيس جمهورية بلدي لأني عارفة أني بنته».
وبكت شيرين على الهواء: «أنا لسه بحب حسام حبيب.. وقبل ما ابدأ الموضوع قلت إننا مش مناسبين وهو أصغر مني».