السيسي: «100 فرصة تعليم في جامعتنا للطلاب من كل دول العالم»

قال الرئيس عبدالفتاح السيسي، خلال المنتدى العالمي للتعليم العالي والبحث العلمي، إن جودة التعليم ترفع من فرص الإنسان في الحياة، ما يوفرله فرص عمل ومشاركة حقيقية.
وتساءل السيسي، صباح اليوم الأربعاء: «ما هو حجم التعليم الجيد المتاح؟»، مضيفًا: «الخريج المتعلم عندنا، لو مطلوب لكل مليون جامعة، يبقى محتاجين 100 جامعة، اتحركنا خلال السنين اللي فاتت، لكن حرصنا نعمل توأمة مع الجامعات العالمية عشان يعلمونا كويس، وناخد مسارنا ونحقق شبابنا».
أضاف السيسي: «عشان نقدم تعليم جيد، عندنا ناس بتقدم ماجستير ودكتوراة، لكن في معارف مالهاش أشغال بحجم الناس اللي اتخرجت، التوصيات اللي قلتوها تتوافق مع بلادكم المتقدمة، لكن لسه الأمر لم يتم في بلادنا، قدامنا 15 أو 20 سنة عشان الناس تقدر تستوعب التعليم الجيد».
وتابع السيسي: «النهاردة عندي في مصر 24 أو 25 مليون طالب، عشان اديهم تعليم جيد محتاجين مجهود، في مصر، إحنا جادين بإرادة لا تلين لتطوير التعليم، اللي بنعتبره أساس البناء للدول والجودة الحقيقية، الجامعات العظيمة اللي موجودة في العالم أنتوا بتتكلموا عن حقوق الإنسان، عاوزين تساعدونا؟، ساعدونا نقدم تعليم جيد للطلاب، لو إحنا تعليمنا متواضع، لما الطالب يجي يقدم عشان يدخل جامعة عالمية، مش هايقدر يدخل الجامعة».
وأردف: «الإسلام مالوش علاقة بالفكر الإرهابي اللي بيهدف لتدمير الشعوب، المواهب متساوية، ربنا خلى العقول متساوية في العالم كله، لكن الموارد مختلفة».
وكمساهمة متواضعة من مصر، قال السيسي: «100 فرصة تعليم للمواهب في جامعتنا من كل دول العالم، الموهوبين هم اللي هايكونوا قاطرات لشعوبنا».
شهد الرئيس عبدالفتاح السيسي، صباح اليوم الأربعاء، بالعاصمة الإدارية الجديدة، المنتدى العالمي للتعليم العالي والبحث العلمى، والمؤتمر العام للمنظمة الاسلامية للتربية والعلوم والثقافة «الايسيسكو».
أوضح المتحدث الرسمي باسم رئاسة الجمهورية، أن المنتدى يعقد في نسخته الثانية تحت رعاية الرئيس تحت عنوان «رؤية المستقبل» بمشاركة عدد من دول العالم الإسلامى، وكذلك عدد من الجامعات العالمية المرموقة والجهات والمنظمات الدولية، وذلك بالتزامن مع استضافة مصر للدورة الرابعة عشرة للمؤتمر العام للمنظمة الاسلامية للتربية والعلوم والثقافة «الايسيسكو».
ويتناول المنتدى عددًا من المحاور من أهمها مستقبل العمل، إعداد وتأهيل الطلاب وشباب الباحثين لوظائف المستقبل، احتياجات أسواق العمل المحلية والدولية في ظل تداعيات جائحة كورونا، والتغيرات السريعة في مهارات التوظيف والطلب على سوق العمل، كما يتضمن المنتدي إقامة سلسلة من الفاعليات والأنشطة، في صورة اجتماعات، وندوات، وورش عمل، وحلقات نقاش، ومحاضرات علمية من قبل خبراء من الأكاديميين والمهنيين وممثلي المنظمات الدولية، ورجال الأعمال والشباب، بالاضافة إلى معرض يضُم العديد من الأجنحة الخاصة بالمُشاركين من مختلف الجامعات الحكومية والخاصة والدولية، والشركات التكنولوجية المُتخصصة في التعليم والبحث العلمي، والمُنظمات الدولية، وجهات التمويل.
واوضح المتحدث الرسمي ان المنتدي العالمي للتعليم العالي والبحث العلمى ينعقد هذا العام بالتناغم مع انعقاد الدورة الرابعة عشرة للمؤتمر العام لمنظمة الإيسيسكو برعاية السيد الرئيس وبمشاركة 49 دولة من الدول الأعضاء في المنظمة.