بموت فيكى

بموت فيكى وكل الناس أكيد زيى.. وأن غبت عنك تلوصى هتلاقى فين زيى.. دنا المواطن مات مفضلش غير ضيى.. بموت فيكى وإنتى حلوة فى كل عين.. بموت فيكى ونفسى أقولك كلمتين.. شيلى الغيامة بقى وحركى اديكى.. صوت المدافع ضرب خايف يكون فيكى.. قالوا الكلام من فضة قلت السكوت من دهب.. وجيوبى كات فاضية أتاريكى إنتى السبب.. خيرك كتير ويفيض بس المصيبة اتنهب.. ليكى التاريخ يتنسب والفقر لينا اتنسب..
لسة المطر مغسلشى من التراب وشى.. دا العفرة زادت والهوا مبقاش خلاص يمشى.. وإن جتلك أستنجد فين الطريق مرسوم.. بدل القلم ينزل قلمين على وشى.. بموت فيكى ونفسى أرجع من جديد تانى.. يملانى عز الصبا أزرع فى بستانى.. من غير خبير أجنبى ناطط على ودانى.. نيلك عطشان بحبك.. إزاى هيرويكى.. والنسمة سكنت مكانها بتبص فى عنيكى.. زرعك دبل بيموت مش لاقى حتى دموع.. والناى حزين صوته.. تفتكرى كان ليكى؟.
.وكبيرك اللى دعا للناس تشوف خوفه.. كان امتى هوه بنى على قده مصروفوه.. تلاتين سنة تايهيين بنبوس خطى ضيوفه.. وقت الخراب قرب من غيرى هيحميكى.. دنا عضمى فى الشتا حطبك وجلدى توب يدفيكى.. وإن مت دمى يسيل أنهار ويسقيكى.. يا بلدى سامحتك وأتمنى أموت فيكى.
القاهرة
tamer_slam@hotmail.com