بعد اتهامه بالسخرية من مريضة بالسرطان.. تامر عاشور: «اللي أخد كلامي تريقة نفوسهم ضعيفة»

تعرض الفنان تامر عاشور إلى هجوم بعد تعليقه على صورة لإحدى المريضات بالسرطان، وهو ما أزعج الجمهور، لذا حرص على توضيح الأمر بعد التعرّض إلى موجة عنيفة من الانتقادات.
كان «عاشور» قد قال- أول الأمر- على صورة الطفلة المريضة: «لأ خدي إنتي أنا صايم يا فاطرة.. بحبك»، وعادمنذ دقائق لتوضيح سبب التعليق، قائلا: «أنا طول حياتي ومشواري عمري ما اتريقت على حد سليم علشان أتريق على مريض -حاش لله- واللي أخد كلامي تريقة على مريض نفوسهم ضعيفة وهم اللي بيفرقوا بين المريض والشخص الطبيعي».
وتابع: «لو نزلت صورتي مع أي طفل (اللي هو غير مُكلف بالصيام) وقولتله بأي طريقة ما تشربش مياه قدامي يا فاطر أو خد دي يا فاطر أنا صايم حد هيتكلم؟، مستحيل علشان طفل طبيعي لكن المريض لأ منهزرش معاه زي الطبيعي علشان هو مريض ونفضل نقوله مريض ونحسسه بمرضه من تعاملاتنا».
ويستكمل: «المرض الحقيقي هو التفرقة بين أطفالنا اللي بصحة جيدة ربنا يديهم كل الصحة وأطفالنا اللي ربنا اختارهم للمرض.. المرض الحقيقي هو أن فكرة (المعايرة) جاتلك قبل 100 فكرة تانية ممكن تاجيلك من جمال البنت وضحكها وبهجة الصورة».
وأوضح أن الفتاة ظهرت بصحبته في إعلان تابع لمستشفى أورام الأطفال، واستكمل: «البنت اللي في الصورة بحبها جدا، ومتفقين أنا وهي على حاجات كتير قوي هنعملها»، وكانت الانتقادات التي نالها الفنان على شاكلة: «المرض مش مجال للهزار، وهي أو هو مش فاطر أو فاطرة بمزاجها؛ لأنهم بياخدوا علاج وبيتسحب منهم عينات تحاليل».
يذكر أن الفنان شارك بالماراثون الرمضاني، بغناء تتر مسلسل «ولاد ناس»، والذي يعرض بالوقت الحالي، والأغنية كلمات دعاء عبدالوهاب وألحان تامر عاشور وتوزيع طارق مدكور.