بعد اعتذاره عن أزمة أغنية «شكرا»..تامر حسين : «هو ده رامي صبري اللي أعرفه»

أعاد الشاعر تامر حسين نشر اعتذار المطرب رامي صري له وللملحن عزيز الشافعي، بعد الخلافات التي حدثت بين الثلاثي بسبب أزمة أغنية «شكرا».
وعلق «حسين» عبر حسابه الرسمي على «انستجرام»: «هو ده رامي صبري اللي انا أعرفه»، وتابع: «كان يهمنى توضيح الحقيقة للجمهور المحترم اللى البعض منه تخيل أننا ممكن نعمل تنازل لأي فنان أو ناخد مُقابل وندى الأغنية لمطرب أخر وكنت حزين ومأذى نفسياً من الموضوع ده».
، وأضاف تامر حسين موجها حديثه إلى رامي صبري: «حقك عليا لو إتكلمت في البرامج بحدة شوية في الكلام أو اتكلمت بلهجة مش لهجتى معاك ولا مع أي زميل بس ده من زعلى انك ماوضحتش كل ده ببوست وتبرء ذمتنا وسمعتنا، واحنا فعلاً داخلين على أيام مُفترجة، وفي كل البرامج قلت أنك أهم صوت في جيلك ما انكرتهاش وربنا يوفقك ويكرمك ويبعد عن الجميع أي خلافات ومشاكل عايزين نفن ونسعد الناس المحترمة اللى بتثق في ذوقنا فنياً ونستغل الوقت في النجاح وبس مش مستاهلة خصام وزعل الناس بتموت».
كان خلافا قد وقع بين «صبري» و«تامر حسين» والملحن عزيز الشافعي، بعدما أعلن «صبري» مقاطعته ل«الشافعي» لمنحه أغنية «شكرا» إلى افنان عمرو دياب وطرحها في ألبومه الأخير «ياأنا يالأ» ورغم تدخل هاني شاكر نقيب المهن الموسيقية والدكتور مدحت العدل رئيس جمعية المؤلفين والملحنين لحل الأزمة، إلا أن سلسلة تدوينات و«بوستات» متبادلة بين أطراف الأزمة صعدت من الأمر، إلى أن أعلن رامي صبري اعتذاره، مشيرا إلى أن الأغنية كان قد بدأ العمل فيها، لكنها أصبحت ملكا للفنان عمرو دياب بعد حصوله على حقوق أداءها من «الشافعي» و«تامر»، لينهي أزمة الأغنية بعد أسابيع من المشكلة.
وعبر خاصية «ستوري» كتب «صبري» قبل قليل: «إحقاقا للحق وكل واحد يأخد حقه أغنية (شكرًا) للفنان عمرو دياب أنا فعلا كنت شغال فيها، لكن الأغنية مش ملكي قانوني، يعني مثلا محدش خد مني حقوق أو مقابل مالي أو اخدت تنازل رسمي».
وأوضح: «علشان بس أبرئ تامر حسين وعزيز الشافعي من الحته دي وعزيز الشافعي أنت ملحن كبير، ونجحنا سوا ماتزعلش من كلمة اتقالت في زعل، وإحنا داخلين على أيام مفترجة، وشكلنا خدنا عين، ومن ساعة ما لحنت وكتبت حياتي مش تمام، وإحنا مش تمام حبيبي يا عزيز وحبيبي يا تامر يا مدعي».