كان نفسى تطلع ضابط

مبروك يا معتز على نجاحك فى الصف الخامس الابتدائى عقبال دخولك الجامعة تعالى بقى قولى نفسك تطلع إيه؟.. طيب حضرتك يا بابا نفسك تشوفنى إيه؟.. أنا نفسى تطلع ضابط شرطة لأن هذه كانت أمنيتى وأنا فى سنك، وكانت أمنية والدى اللى هو جدك يشوفنى ضابط!.. لكن فجأة انتفض معتز من مكانه ورد بجملة اعتراضية لا لا يا بابا أنا مش عايز أبقى ضابط، دول وحشين بيموتوا الناس فى الشارع زى الشاب خالد، وبيعاملوا الناس بأسلوب مش كويس ومش بيحترموهم!.. وحضرتك يا بابا علمتنى أحترم الناس يبقى إزاى عايزنى أبقى ضابط؟! وبعدين يا بابا هما دول مصريين؟.. أيوه يا حبيبى مصريين زينا وفيهم قرايب لنا كمان، والشرطة اتعملت عشان حمايتنا والحفاظ على ممتلكاتنا.. طيب ليه بيعملوا كده فى الناس؟.. علشان ربنا يهدى الوحش اللى فيهم وأكيد فيهم ناس صالحين.. بس سامحنى يا بابا أنا مش عايز أطلع ضابط!
دراسات عليا فى سياسات الشرق الأوسط