«كهربا»: «كنت بقول لمرتضى منصور يا بابا».. وهذه كواليس شجاري معه

كشف محمود كهربا، لاعب النادي الأهلي الحالي والزمالك سابقًا، عن تفاصيل علاقته بالمستشار مرتضى منصور، رئيس الزمالك السابق، وكواليس صدامه معه أمام الكاميرات.
وقال كهربا، خلال حلوله ضيفًا على الإعلامي سيف زاهر بقناة «أون تايم سبورتس» إنه كانت لديه مشكلات كثير للغاية مع رئيس الزمالك السابق، موضحًا: «مشكلتي كلها كانت معاه هو إن يبقى واقف واللاعيبة كلها مع بعض والكاميرات موجودة ويتكلم على في أي حاجة، يعني لازم اسمي يكرره في أي حاجة، مع إن لما كنت أدخله لوحدي كان يعملي اللي نفسي فيه».
وأكد «كهربا» أنه بالفعل كان ينادي على «منصور» ب «يا بابا»، مضيفًا أن علاقته به كانت جيدة، لافتًا: «كان بيساعدنا، في ماتشات كثير نكسب تاني يوم المفروض المكافأة فهو يجي فبدل مثلًا ما بناخد اثنين أقوله عشان خطري خليها عشرة، قدام اللاعيبة كلها، تمام، خلاص عشرة، وخصوصًا السنة اللي فاتت».
وأضاف أن سبب توتر العلاقة بينه وبين مرتضى منصور «إنه من اللي حواليه كان بيسخن عليا، وأنا مكنتش بستحمل، مينفعش حد مثلًا يقولي أنت مش كويس ولا أنت كذا، عمري ما هقبل على نفسي كدة مهما كان مين».
مشاكل كثير جدًا مع رئيس النادي، مشكلتي كلها كانت معاه هو إن يبقى واقف واللاعيبة كلها مع بعض والكاميرات موجودة ويتكلم على في أي حاجة، يعني لازم اسمي يكرره في أي حاجة، مع إن لما كنت أدخله لوحدي كان يعملي اللي نفسي فيه.
وعن ما إذا كان بالفعل ينادي المستشار مرتضى منصور ب«يا بابا»، رد كهربا: «طبعًا، أنا كل حاجة بقولها دائمًا اللي في قلبي على لساني عمري ما اخبي عمري ما أكدب، كان بيساعدنا، في ماتشات كثير نكسب تاني يوم المفروض المكافأة فهو يجي فبدل مثلًا ما بناخد اثنين أقوله عشان خطري خليها عشرة، قدام اللاعيبة كلها، تمام، خلاص عشرة، وخصوصًا السنة اللي فاتت دي».
«كانت علاقتي بيه كويسة لكن كانت المشكلة إنه من اللي حواليه كان بيسخن عليا، وأنا مكنتش بستحمل، مينفعش حد مثلًا يقولي أنت مش كويس ولا أنت كذا، عمري ما هقبل على نفسي كدة مهما كان مين».
وعن لقطة صدامه مع مرتضى قبل مباراة الأهلي سابقًا أمام الكاميرات روى اللاعب كواليسها قائلًا: «هو كان جايب اللاعيبة القدامى كلهم وكان فيه 4 كاميرات فمرة واحدة وهو واقف بنتكلم، وأنا واقف حتى كان كابتن عبدالواحد السيد واقف جنبي، قالي وأنت بقا يا عم كهربا لو حد في الماتش شتمك بامك وقالك مش عارف أنت بتكلم مين ولا شتمك بابوك، اوعى بقا تتجننلي وتتعفرت وتعملي والحاجات بتاعتك دي، فقلتله بعد إذن حضرتك الكلام ده تمنتجه عشان والدي ووالدتي بيتفرجوا بليل على القانة بتاعة الزمالك فبيشوفوا الحاجات دي لأن كان قبلها كذا سابقة وأنا عندي والدي ووالدتي أهم حاجة ومش عايزهم يسمعوا عني أي كلام».
وأضاف: «فالمهم قالي أنت هتشوحلي، فقلتله أنا اشوحلك وكذا كذا كذا، فأنا لفيت بصراحة بقا شتمت جامد يعني ودخلت على الأوضة أخدت دُش وبلبس وبلم جزمي وحاجتي وخارج لقيته في وشي، قالي أنت هتروح فين مش هسيبك، قالي تعالى نطلع على المكتب وراح ماسكني من إيدي، قلتله أنا معاك، شوف عايز توديني فين يعني، فهو لما مسكني من إيديا بطلع التليفون أكلم أبويا عشان يسمح كل حاجة وأنا ماشي، بصراحة اللاعيبة مسابونيش خالص كلهم جم، فطلعنا فوق جابلي عصير ليمون قالي اهدأ أنت ابني مفيش أي حاجة واتصالحنا فوق وقلتله متزعلش مني أنت زي والدي مفيش مشكلة وراح جاب المدير الفني واللاعيبة كلها مسابونيش لحظة».