وجه الفنان وليد فواز، رسالة إلى رفيق رحلته محمد رمضان، كما وصفه، عبر حسابه على «الإنستجرام» طالبه فيها بالاعتذار عما حدث بخصوص صوره مع بعض الإسرائليين، مشيرًا إلى أن هذا الاعتذار لا يقلل من شأنه. ونشر «فواز» صورة لرمضان من البدايات، وعلق قائلًا: «محمد إزيك فعلا واحشني.. محمد رمضان الطموح الموهوب اللي قابلته في بداية الطريق.. محمد اللي لما عمل إحكي يا شهرزاد قابلني في موقف الإسعاف وقالي فواز انا نازل أشوف صورتي على الافيش (إحنا هنبقي نجوم جامدين يا له) بس إنت الأجمد دلوقتي واحشني محمد اللي كان بييجي يتفرج عليا في مسرح الشباب ويبدد بحماسه وطاقته التي لا تنضب بالأمل أي شعور بالإحباط عند أي حد بيشوفه.. محمد اللي واحشني هو محمد اللي في الصورة دي.. أنا حابب أحط الصورة دي أكتر من أي صورة تانية ليك دلوقتي.. لو الناس كلها قالت إنك إتغيرت ميخصنيش لإني عارف إنت مين وقد إيه كنت جدع معايا.. محمد اللي انت وصلتله ولسة هتوصله كمان فعلا تستاهله لإنك مميز وقبولك رباني. بس اسمحلي يا صاحبي العنيد وإللي أعرف عنه من زمان إن دماغه أنشف من الحجر ولا يسمع إلا عقله فقط«. وأضاف: «أطلب منك أن تعيد النظر في إللي بيحصل عشان خاطر جمهورك الحقيقي الناس البسيطة والتي نصبتك ملكا متوجا على قلوبهم . الناس اللي شافت فيك الأمل، بص من منظارهم للحكاية... بعيدا عن أي مزايدات فيه خطأ حصل وإللي حصل حصل وخلاص وانت كبير وناضج واب ورب اسرة وعارف ايه الصح وايه الغلط. لكن يا صاحبي الإعتذار من شيم الرجال ولا يقلل منك أبدا». وتابع: «فكر يا محمد عشان خاطر جمهورك الكبير وموهبتك، محبش اشوف واحد بحبه بجد يدفع تمن فاتورة كبيرة قوي هي أصلا مش بتاعته. محمد إنت ذكي جدا وهتعرف تقعد مع نفسك وتحط إيدك على الصح.. ربنا يعديك من المحنة دي على خير». يذكر أن محمد رمضان أثار حالة من الجدل، السبت، بعد انتشار صور له مع بعض الإسرائليين أثناء تواجده في دبي، وتعرض رمضان لهجوم كبير من رواد مواقع التواصل الاجتماعي. وفي السياق ذاته، قررت نقابة المهن التمثيلية عقد اجتماع طارئ، الاثنين، لبحث الأمر. View this post on Instagram A post shared by Waleed Fawwaz (@walidfwaz)
