طلب الفنان الشاب شادي خفاجة، من كل متابعيه المساعدة، نظرًا للحالة الصحية الحرجة لوالده، الذي يمر بها الاَن، مؤكدًا أن والده دخل في غيبوبة بسبب تلوث جراحي، وأنه يحتاج إلى مساعدة عاجلة لإنقاذ والده. ونشر الفنان الشاب صورًا لجرح والده وما وصل إليه، عبر حسابه على «فيسبوك»، وكتب: «أنا مش عاوز أبويا يموت، ارجوكم ساعدوني، امبارح ابويا بدأ يخرف ويفقد الوعي وبدأ يدخل في غيبوبة، كلمت الدكتور الجراح بتاعه بقوله ابويا بيموت، رد عليا يقولي اعمله ايه، الدكتور الجراح اللي عمل عملية ملوثة بيقول على العيان بتاعه اعمله ايه!؟، أنا ابويا بيروح مني بسبب أخطاء الأطباء». وتابع «أبويا دخل يعمل عملية فتأ في الصدر وركب شبكة بتاريخ 5 أغسطس بمستشفى ... ونصبوا عليا قالولي ادفع 25 ألف جنيه تأمين واللي هيتبقى بنعملك بيه استرداد، فوجئت بعد العملية بفاتورة ب90 ألف جنيه، اتصرفت ومكتب رئاسة الوزراء والدكتور أشرف زكي جابولي قرار بتخفيض 30٪ من المبلغ وكتر ألف خيرهم بأمانة وربنا يبارك فيهم». وأضاف خفاجة «أبويا فضل يتابع مع الدكتور الجراح ... في عيادته وفي المستشفى وجرح ابويا دون تحسن مع فقدان الشهية وحالة إعياء عامة جسديا وده بسبب إن الجرح ملوث جدا من العملية، والنتيجة ان الدكتور طلب حجزه ودخوله عمليات مرة تانية في مستشفى .... مرة تانية وكلفتنا 10 آلاف جنيه مقابل (يوم واحد فقط) وخرج على البيت، ومن يومها الدكتور بيبعت تمريض يغير على الجرح وبيتابع معاه ولكن دون جدوى أو تحسن وده منظر الجرح والحال اللي أبويا وصل ليه». واستطرد «أبويا حرفيا بيموت مني ومش قادر اعمل ايه انا واخواتي، احنا من امبارح في مستشفى .... لان مش هقدر ادخل تاني .... ويتعمل عليا نصباية زي كل مرة وعدى على دخول أبويا 24 ساعة في ... ورامين أبويا في غرفة فيها 6 مرضى بدون تكييف أو مروحة وده خطر جدا على الجرح في الجو ده، ومفيش لا تمريض يركب له محاليل تغذية وريدية، ولا في دكتور جراح يبص على حالة الجرح والتلوث اللي هو وصل إليه نتيجة العملية، والدكتور نفسه اللي عامل العملية مش عاوز حتى يجي يبص على الحالة بتاعته بالرغم من انه شغال برضه في مستشفى ..، ارجوكم ابويا والله هيروح مني لو مالحقتوش في ال 24 ساعة دول». يذكر أن شادي خفاجة هو شقيق الفنان الشاب فادي خفاجة، والفنان هادي خفاجة.
