زوجة حبيب العادلي ترد على أنباء عمله مستشارًا لمحمد بن سلمان (فيديو)

نفت إلهام شرشر، زوجة حبيب العادلي، وزير الداخلية الأسبق، عمل زوجها مستشارًا لولي العهد السعودي، محمد بن سلمان، لافتة إلى أنه «مخرجش بره، وأنا ست ليا مصداقيتي.. وفين هو الدليل؟».
وأضافت «شرشر»، في مداخلة هاتفية مع الإعلامي عمرو أديب في برنامج «كل يوم»، المذاع عبر قناة «أون إي»، أن زوجها «عمره ما تأخر عن المملكة العربية السعودية الشقيقة»، مشددة على أن الإعلام المفلس والفاشل «لما ميكونش فيه حاجة يروجوا شائعات، والشائعات اللي هي عماد المؤامرة الصهيونية العالمية، مكتوب في برتوكولات بتاعتهم ضرب الأوطان بشائعات، علشان يتقال آه الدولة خرجت حبيب العادلي، ليه إحنا نفضل نجري ورا الشائعات».
وأوضحت «شرشر»، أن مصر «محتاجة إننا ندور على أمور طيبة، وإنجازات نقف عندها، النهارده أنت بتبني اقتصاد وبتعمل تعليم.. وعندنا خلل اقتصادي وخلل قيمي، وانتوا النهارده بتطلبوا من النظام إنه يعمله في 3 سنين، مش معقول كلنا بقينا أصحاب قرار، البلد بتضيع يا جماعة».