السيسي للمصريين: «جه الدور عليكم وأنتم وعدتوني تقفوا جنبي» (فيديو)

خاطب الرئيس عبدالفتاح السيسي المصريين خلال حضوره ندوة بعنوان «السياسة النقدية وأزمة سعر الصرف.. الأسباب والحلول»، مساء الثلاثاء، ضمن فعاليات المؤتمر الوطني الأول للشباب المنعقد في مدينة شرم الشيخ.
وقال السيسي: «لما أنتم طالبتوني إن أنا أقف جنبكم ماترددش ثانية، ووقفت ومش فكرت في نفسي ولا في أولادي وأنا فكرت فيكم أنتم وخفت عليها لتضيع بال90 مليون، وجه الدور عليكم وأنتم وعدتوني إنكم هتقفوا جنبي»، لتدوي القاعة بعدها بالتصفيق من الحاضرين.
واعتبر السيسي أن «الأزمة اللي إحنا فيها عواملها كثيرة ومتداخلة مع بعضها، لكن يا ترى فيه أسباب أخرى ماتذكرتش لأنه يتعمل سعر موازي بالفاصل الكبير بين السعر المعلن حتى في البنك وبين الموجود في السوق».
وأضاف: «إذا كان فيه حد بيتابع الواقع المصري وعايز يؤثر عليه عشان يعيقه.. وأهل الشر.. وأرجو إن الناس مايتصوروش إني بحمل الموضوع أكثر مما ينبغي.. و يعني الرصيد الموجود ليا عند الناس مفروض يستمر ولا ينتهي»، ليرد أحد الحاضرين في القاعة: «إحنا ولادك يا ريس»، ليقاطعه الرئيس: «اسمعوا.. النقطة دي مهمة جدًا».
واستكمل السيسي حديثه: «لازم نعترف إن الست سنين اللي فاتوا ظروفنا صعبة، والموقف الاقتصادي مش قوي.. دولة ظروفها صعبة.. نعمل إيه؟.. نعمل حالة لدى المجتمع تؤدي إلى حراك.. عملت الإصلاح يبقى ضاغط على الناس أمر ممكن نتكلم فيه.. ما علمتوش الأمر يزداد تأزمًا وأنت رايح برضه إلى مشكلة كبيرة».
وواصل حديثه: «اللي بيتعمل ده جهد متنظم بتخطيط كبير إزاي نضغط على المواطن اللي كان قاعد وراضي عن الرجل الموجود ده وأفشل كل حاجة خلال الفترة دي.. الفكرة كلها إن إحنا روحنا لده قد يكون فيه أسباب اقتصادية قد يكون فيه أخطاء، وأنا عايز أقول لكم أنتم اللي هتحددوا مصير مستقبل مصر».
وقال السيسي للمصريين: «أنا دوري معاكم عملته، وقلت لكم المشكلة كبيرة والمشكلة دي أنا مش هقدر عليها لوحدي، لكن نقدر عليها كلنا، ودوري عملته بس دوركم أنتم دلوقتي هتعملوه ولا.. أنا بكلم كل المصريين».
وتابع: «كان اتقال كفاية إننا نحرج أشقائنا أكثر من كده إنهم يدعمونا كفاية إن نحرج الناس ونحرج نفسنا ومش هقول أكثر من كده، وكل الإجراءات اللي اقترحت عاوز تعملها في حسبة واحدة في وقت واحد، في الاقتصاد بياخد مدى زمني كبير عشان تبان آثاره، ومش معقول نبقى مسؤولين عن الناس والناس تعاني معانا لكن مفيش حل غير إن أنتم تصمدوا، وأنا مش بحمل الموقف ولا أزايد، فيه إجراءات وجهد منظم ضخم خبيث عشان الفكرة بتاعت الدولة دي.. أنتم مش بتبصوا الدول اللي حصل فيها التغيير.. الدولة الوحيدة اللي واقفة على حيلها أنتم.. وده تحقق بالمصريين.. لازم نضرب إرادة المصريين ونعمل جواهم حالة من عدم الرضا والسخط العام وفي الآخر نصل للحالة دي وتبقى الأمور خرجت عن السيطرة وتم تحقيق الهدف في تدمير الدولة»، لافتًا إلى أن المصريين تصدوا لتلك المخططات.
وأضاف: «لما طلبتوني لقيتوني ولم أبخل عليكم بحياتي.. أنا مش طالب حياتكم، وأنا طالب منكم إن إحنا نبقى أمة ذات شأن تصبر وتتحمل وما تتكلمش.. عشان تقول الناس فشل ت محاولاتكم لتركيعها.. وتحيا مصر مش بالكلام.. تحيا مصر بالعمل بالصبر بالتضحية».