فيديو.. بطل الجمهورية في ألعاب القوى: بعت ميدالياتي علشان أصرف علي بيتي

قال عصام جميل، بطل الجمهورية في ألعاب القوى للمعاقين، إنه يحمل الرمل والطوب والسيراميك حتى يحصل على قوت يومه ولسد احتياجات بيته وأسرته.
وأضاف «جميل» في حواره مع كاميرا قناة «إم بي سي مصر 2»، في تقرير مصور لبرنامج «صباحك مصري»، الاثنين، «من 6 سنين منكتش بتحرك من مكاني خالص وأهلي قعدوا اكتر من 5 سنين يعالجوني وصرفوا اللي وراهم واللي قدامهم لحد ما عالجوني وقمت اتحركت من مكاني بس الإعاقة أثرت على رجلي وعندي قصر في رجلي».
وتابع: «بمارس رياضة من أكتر من 20 سنة لعبت رمح جري مسافات 100 متر و200 متر وآخر حاجة لعبت 400 و800 متر ومحقق في البطولات من 97 لحد 2014 مراكز اول وتاني وتالت على مستوى الجمهورية.. ولما لاقيت بيتي محتاج وأولادي محتاجين بدأت أبيع ميدالياتي للشباب في البلد اللي بيعضقوا الحاجات ديه.. وكل ما اكلم أي حد يقولي مفيش إمكانيات مفيش إن إحنا نصرف عليك قعدت من 92 عشان اطلع شهادة إعاقة ولسه جاية لي السنة اللي عدت».
اشترك الآن لتصلك أهم الأخبار لحظة بلحظة