بالفيديو.. زوجة طبيب لوزير الداخلية: «عايزة حقي»

عرض الإعلامي وائل الإبراشي في برنامجه «العاشرة مساء»، الذي يذاع على قناة «دريم 2»، مقطع فيديو لمواطنة متزوجة من طبيب ذكرت أنه تم الاعتداء عليها من قبل أحد ضباط الشرطة بينما كانت في طريقها لإحضار أولادها بالسيارة من المدرسة، بالرغم حبها ودفاعها عن قوات الشرطة والقوات المسلحة.
وقالت السيدة، في تقرير أذاعه برنامج «العاشرة مساء»، الأربعاء، «رايحة أجيب ولادي من المدرسة فعربية حمراء من غير نمر زنقت عليا وفضلت مشيت جنبي وبعدين خبطتني في جنب.. لقيته فتح باب العربية وقعد يشتم ويزعق وأنا خايفة أنزل ومش عارفة ده بيعمل فيلم ولا مين.. وعمال يقول أنت بتشتمي ظابط وأنت بتشتمي أهلي.. أنا كله مش متخيلة الموقف وجيت أركب العربية فزق باب العربية بأيده ومش هتمشي منا هنا ووريني أنت بتشتمي ضابط إزاي».
وتابعت: «أنا قلتله أنت مش متربي.. راح مد إيده من وسط الناس ولف العقد بتاعي على إيده وقعد يسحبني وكان بيحاول يخنقني بيه والناس مش قادرة أنها تخلصني منه.. ورحنا القسم نعمل محضر قالي بص بقى العربية مكنش عليها نمر وإحنا ركبنلها نمر وأعلى ما في خيلك أركبيه.. فقلتله أنا مش هسكت أن هوصل صوتي لأعلى صوت في الجمهورية إنشالله أروح لرئيس الجمهورية.. قالي أعلى ما في خيلك أركبيه وريني هتقدري تعملي إيه في ضابط يا بنت المرة الكذا الكذا الكذا.. بمنتهى قلة الأدب أمام جوزري ونائب المأمور».
واستطردت: «كانت الطامة الكبرى أن أنت بتتشتمي ليه ويعني إيه وريني هعمل إيه في ضابط ويعني إيه ضابط.. ضابط ده يعني إخويا يعني ابني المفروض أن إحنا كل يوم بندعلهم وعايزنهم يقوموا تاني.. وأنا بقول المحضر واللي المفروض ميكونش واقف جنبنا يسمع وأنا بقول المحضر تطاول عليا مرة تانية.. والنيابة طلبت كل القسم للتحقيق ولحد دلوقتي مرحوش.. وأنا بناشد وزير الداخلية عايزة حقي وأحس أن عندي كرامة».
اشترك الآن لتصلك أهم الأخبار لحظة بلحظة