تعرضت سيدة تُدعي أسماء لإعتداء من أحد ضباط الشرطة، وروت تفاصيل هذا الإعتداء في تقرير عرضه الإعلامي وائل الإبراشي في برنامجه "العاشرة مساء" المُذاع علي فضائية "دريم2". وقالت السيدة أسماء المُعتدي عليها: " كنت رايحة أجيب أولادي من المدرسة، زنقت عليا عربية حمراء من غير نمر، وفضل ماشي جنبي، وبعدين خبطني، وبعدين فتح باب العربية، وشتمني وزعقلي، وأنا خايفة انزل، وقالي بتشتمى ضابط، بتشتمي أهلي، وجيت اركب العربية قفل بابها بإيده، قولتله انت مش متربي، مد ايده من وسط الناس ولف العقد بتاعي علي ايده وكان بيخنقني ويسحبني بيه، وماحدش عارف يخلصني منه". وتابعت: " ذهبنا للقسم لتحرير محضر، فقالي بصى بقي العربية ماكنش عليها نمر وركبنالها نمر، وأعلي مافى خيلك اركبيه قولتله مش هسكت وهوصل صوتي لرئيس الجمهورية، فرد عليا قائلًا: وريني هتقدري تعملي ايه في ضابط يابنت كذا وكذا وشتمني بأبشع الألفاظ، أمام زوجي ونائب المأمور" واستكملت: " انا بتتشتم ليه، وياعني ايه ظابط ياعني اخويا وابني وكل يوم بندعيلهم وعايزينهم يقومو تاني، وواقفين جنبهم وبنحترمهم". وأشارت: " واحنا بنكتب المحضر المفروض الضابط مابيقاش واقف جنبنا، بس كان واقف وتطاول عليا مرة تانية، والنيابة طلبت كل القسم للتحقيق، المأمور ونائبه والضابط وليد علي واسلام سمير ومحمد ثروت، واسلام سمير ده انا عايزة حقي منه لأنه ماكنش طرف فى الموضوع" واختتمت: " انا بناشد وزير الداخلية وبقوله أنا كنت واقفه معاكم جدا وبهاجم أي حد ضدكم، وبزعل علي أي حاجة بتحصلكم، أنا عايزة حقي وأحس اني عندي كرامة" من جانبه ووصف الإعلامي وائل الإبراشي هذا الفعل بالتجاوز الفردي، قائلًأ: " عائلة هذه السيدة وزوجها من مُحبي الجيش والشرطة، ولما يحصل تجاوز من ضابط شرطة ستتعامل معه هذه العائلة علي انه تجاوز لا ينعكس علي كل ضباط الشرطة". وتابع الإبراشي خلال برنامجه " :وماحدش يقول أن الشرطة رجعت تاني، والعلاقة الحميمة بين الشرطة والشعب، أهم ثمار ثورة 30 يونيو، ولن نسمح بعودة الحاجز النفسي من جديد شاهد الفيديو: