فيديو.. «أديب» للسيسي: افتح «الجزيرة» وشوف التحريض.. لسة بيقولوا «انقلاب»

شن الإعلامي عمرو أديب، هجومًا حادًا على القناة القطرية «الجزيرة مباشر مصر»، بسبب سياسة التحريض التي اتبعتها خلال تغطياتها الإخبارية لتظاهرات الجمعة، 28 نوفمبر، والتي دعت إليها الجبهة السلفية تحت مسمى «انتفاضة الشباب المسلم»، قائلًا: «قناة الجزيرة سقطت بالتلاتة في الامتحان وفشلت فشل ذريع، مش بيحرضوا وبس.. دا ناقص المذيعين بتوعهم ينزلوا، مصالحة إيه ونيلة إيه، أومال لو مكنش فيه مصالحة هتعملوا إيه؟.. هتقولوا للناس شيلوا سلاح؟».
وأضاف «أديب»، خلال برنامجه «القاهرة اليوم»، على فضائية «اليوم»، مساء الجمعة: «ما تقوليش الجزيرة قناة حرة، طب اشمعنى مسكت نفسها عن السعودية والإمارات في يوم وليلة، مش بقولكم تقولوا سيدي عمرو أديب ولا سيدي السيسي، بقولك احترم نفسك، أنا بقول وبحذر علشان بلدنا أهم من أي حد علشان الموضوع لو هيكمل كده، النية سودة.. نفسكم توقعوا مصر قبل ما تحصل المصالحة».
وتابع: «الموقع الكبير لقناة الجزيرة كاتب في أول خبر إن اللي حصل في مصر انقلاب، هي دي المصالحة؟، في النهاية هتناموا قفاكم بيقمر عيش، مصر محدش عرف يهزها ثانية، أنا بس بوريكم نماذج ومتكلمتش على قطر ولا أمير ولا غفير ولا أي حد، رغم إن الواحد بيغلي من جوه، بس اللي مبرد قلبي النهاردة.. القفا اللي خدوه الإخوان، كان حتة قفا».
ووجه «أديب» حديثه للرئيس عبدالفتاح السيسي، قائلًا: «يا ريس ياللي ناشدتنا ننتظر ونرى، افتح الجزيرة وبص على أسبوع (الله أكبر.. أيد واحدة)، بيتكلموا على أسبوع مش يوم».
اشترك الآن لتصلك أهم الأخبار لحظة بلحظة