المعادلة أم طرفين ... يشيلوهاا اتنين

مش عايز أقول اننا عاملين زى اللى كانوا فى جرة و طلعوا " بثورة"
لكن اللى بيحصل على الساحة الحياتية العادية المصرية شئ غريب
كعادة المصريين
فهم أول من جعلوا من ثورتهم معرضا فنيا
و مهرجانا غنائيا
و مسرحا كوميديا
و لنا الحق كل الحق أن نفخر ببياض ثورتنا
و نقاء نية نزول غالبيتنا للشارع
و طهر دماء من قضوا فى أحداث العنف القاسى
و لكن
لنتذكر دائما أن الله لن يغيرنا مالم نغير أنفسنا
الكل يصيح
الكل يريد ان يطيح
و الكل يريد أن يستريح
كل منا بيريح نفسه بأن مبارك
و رموز مبارك
و وشوش مبارك
و رموش صفوت بتاع مبارك
هم السبب وحدهم فيما وصلنا اليه من فساد
و لكل هؤلاء و لنفسى قبلهم أقول : يا عزيزي كلنا كنا فاسدون
و إن لم نواجه نفسنا بهذه الحقيقة الآن
فلنثق أننا بعد 60 سنة من الآن
سنكون نسيا منسيا
و لن تقوم لنا قائمة
فمن منا لم يبحث عن واسطة
أو يدفع رشوة
ماتزعلش منى يا سيدى
او يدفع الشاى
أو الدخان
أو الحلاوة
أو كل سنة و انت طيب يا بيه
حمد الله عالسلامة يا بيه
من كان منكم بلا واسطة
فليرم النظام السابق بالمولوتوف
فالفساد معادلة
و كل معادلة لها طرفاها
و لأتمام المعادلة
لابد للطرفان أن يكونا فاعلين
و متحركين
و بعض المعادلات تحتاج لعامل محفز
و فى حالتنا هذه تخلى الشيطان عن دوره
و لكن ظهر آلاف الاباليس
الموسوسين فى آذان كل منا
و بالتأكيد أن الله دائما ما لعن المفسد
و لم يذكر الفاسد
و لكن فى النهاية كلنا كنا نغوص فى وحل الفساد
و لا يجب أن نتكل أن مبارك مشى
يبقى كله تمام
لأ
لازم ندور فى نفسنا
عن نفسنا
و عن قيمنا و آدابنا و أسس صلاحنا
و صدقونى لن يستغرقنا البحث طويلا
و لكن يجب علينا أن ننهى هذا التفاعل
و نتخلص من مخلفاته
و ننشئ معادلة جديدة
طرفاها العدل و المساواة