الفتايين والثوره

للأسف في بعض الناس اللى مالهاش اى تلاتين لازمه كل اللى على لسانهم دلؤتى انهم ناس جامدين وخلاص اصبحوا ثوار لمجرد انهم نزلوا مظاهرات مع انهم كانوا نازلين بنيه تانيه واكيد طبعا كلنا عارفين وطبعا اغلب كلامه لازم يحطلك فيه مصطلحات وكلام مجعلص هو مش فاهمه اصلا او فاكر نفسه فاهمه بس ياعيني حتى يوم مافكر نفسه فاهم فهم غلط (العالم اللى تسمع الكلام اللى بيتفال وتردده )
لأ وايه كمان بقا بيقسم الناس بمزاجه ويقول دا مع او ضد الثوره ( مع ان فى ناس مانزلتش خالص بس احسن منه الف مره)
انا مش هقول متسلقين ولاهقول منتفعين ولا اللى ليهم مصلحه لان دول معروفين
وبيتعرفوا بسهوله
انا مش لاقى اسم اقوله عالناس دول
غير انهم (فتايين)
...
خدوا بالكوا من الفتايين
اللى عاملين عارفين
طب ازاى اصلا عرفوا وهما مش فاهمين
واحنا ازاى نعرفهم وهما مش باينين
طب صلى بينا عالنبي
:
على طول مش ساكتين
وفأى كلام راشقين
عايزين يبانوا فى الصوره ويتقال ثوريين
شاغل بالهم تفاهات وللقضيه منفضين
اساتذة تاليف روايات لأ وكمان مصدقين
..
ياعم فكك منهم ...
دول حتى مش عارفين هما ليه عايشين
كل اللى طالع عليهم دا مع مين و ضد مين
بيصطادوا فى الميه العكره ويزودوها طين
بيحبوا الزيطه لدرجة انها اصبحت روتين
ماهو موسم ليهم بقا
, اومال مش سياسين
..
والله مرضى نفسيين
مش نافع حاجه معاهم لا علاج ولا فيتامين
افاهم هو دواهم لو ياخدوا عليه المين
اه ياشوية هايفين
يامرضى يانفسين
لسه دوركم جاى ,,,,,,, لو جدعان خليكوا قاعدين
اه ياشوية تافهين