لحظة ايها الإعلام.....لقد شوهت الثورة

لحظة يا اعلام مصر..استمع لشاب عاش الثورة و فهم معانيها......عاشها من القاهرة للسويس لكل مكان...عرف اين قامت و اين اشتعلت و اين استمرت.....توقف يا اعلامنا حتى لا تكتب التاريخ خطا و حتى لا تشوه كما حدث كثيرا استمع الى عسى ان يعجبك حديثى...
كبت ....ظلم....فساد...فقر...جوع...بطالة....كلمات صغيرة فى كتابتها...كبيرة فى داخلها...كلمات تقلب انظمة و تغيرها....يطول شرحها و يقصر انفجارها...نعم فهى قنابل موقوتة تنفجر فى وجة من وضعها....اعلم ايها الاعلام المصطاد لحلو الكلام انها ما كانت "ثورة الفيس بوك"...نعم رايتك قد فرحت بتلك الجملة و كانها هى الملخص لاحداث الثورة...وما علمت شيئا عنها ...هل تريدنى ان اخرج من لغة الادباء و احدثك بلغة العامية كى تفهم كيف كانت الثورة....سافعل من اجل ان تفهم....عسى ان تفهم
ايوة الثورة دعا ليها شباب من الفيسبوك ....بس عمرهم ما كانو يتعدوا اللى اتوجدوا فى الشارع....بص لوجوة اللى كانوا فى التظاهرات ,,,,,,اكترهم شعب مصرى اصيل لا لية فى النت ولا التت؟...كل اللى عاوزة رغيف عيش نضيف يتاكل...كمان يا اعلام جت على اللى ماتوا و اخترت اجمل و انضف الوشوش فية.....لية؟؟؟هما اللى ماتو غيرهم مينفعش تحترمهم....هما اللى ماتوا مكنوش ارواح و شباب ليهم امال نفسهم فيها و اهالى عايشين معاهم....يا اعلام الناس مش باشكالهم...الناس بحبهم لوطنهم و تضحيتهم لية.....
انا هكلمك عن شباب السويس...ما انا منها......ولى الشرف.....هكلمك عن ناس خرجت...والله ما كانو يعرفوا فيس بوك...خرجوا فى عيد الشرطة...عشان ليهم تار مع الشرطة اللى ظلمتهم...وليهم حق فى بلدهم اللى بيقولو عليها اغنى المحافظات اقتصاديا فى مصر...وبالرغم من كدة افقر ناس و اكبر نسبة بطالة...يوم التلات 25 مصر كلها خرجت....بس اقف لحظة......من السويس كان اول الشهداء.....زى عادتها هى اللى بتقدم لمصر الاول ولادها......يمكن الشرطة استغلت ان التركيز كلة ف القاهرة و الاعلام هناك فقتلت و اعتقلت و بهدلت اللى فى السويس براحتها بقى..بس تبهدل مين...اللى اليهود معرفوش يعملوة هناك اتعمل فى الشرطة..عارف يا اعلام اية اللى خلى المظاهرة العادية دى تبقى ثورة بجد ....هقولك بطريقة الاعلام... ما نجحت فيه الشرطة فى القاهرة يوم الثلاثاء فشلت فيه بجدارة فى السويس، ربما كانت القاهرة تشتعل بحماس شباب الفيس بوك، لكن السويس اشتعلت بحماس شباب تربىّ على حكايات الآباء والجدود الذين قاوموا حصار الجيش الإسرائيلى بقيادة شارون فى 73، أصبحت السويس مصدر إلهام جديد للبلد كله، عرفت بقى يا اعلام ازالا بقت ثورة.,...يوم 26 و 27 لما مصر كلها رجعت بيوتها و العادلى انتصر.....السويس قالت لا مش هنمشى الا لما يمشى...و فضلت تقدم شهيد وراة شهيد عشان البلد دى تقوم تانى....طب اقولك مين كان يتوقع ان الناس تقدر تحتل قسم و تضرب الظباط و تاخد السلاح...اتحدى لو كان فى اعلام يقدر يتوقع دة...بس اول ما مصر شافت"السوايسة" بتحتل الاقسام و تهزم الشرطة بدء الناس فى كل مصر يحسو ان ف امل...طب اقولك يا اعلام...بردوا الناس معملتش زى السويس الا لما الشرطة انسحبت اصلا من كل المحافظات....ما هو العادلى مصدقش ان السويس الصغيرة اللى اهلها ميعدوش مليون عملوا كدة...بالرغم ان امن مركزى بورسعيد و اسماعيلية كان جة السويس عشان يساعد الامن المركزى فيها...بس بردوا معرفوش.....اللى خرج اليهود يقدر على العادلى اكيد....حتى الناس فى التحرير كان كتير منهم بيقدر السوايسة.....بس كلنا تحت شعار ""مصر""....و طبعا الاعلام لعب دورة و بدا يختار شخصيات يخليها قواد الثورة و متحدثين باسمها......و بدا الاشخاص دول يتكلموا بنظرتهم هما و كالعادة....الاعلام يصنع البطل و البطل لم يصنع نفسة......يا اعلام انا بقول كدة مش عشان انا من هنا اة هناك..انا بقوا كدة عشان تدى كل حد حقة....عشان متكتبش التاريخ مشوة كالعادة....اسف لو اكلمت بالعامية ما هى ثورة مصر و لغة مصر و تحيا مصر