تزحف عقارب على مهل لحد نقطة نص الليل هل انتظاره شئ سهل؟ وأنا مستني بابا نويل ولا جاني ... طب جالك؟ ولا مر على بابي طب دق على بابك رغم كل استعدادات رغم كل التجهيزات بالشجرة و الزينة والزعبوط الاحمر وأحلامنا فينا تكبر .. وتكبر لكنها منتظرة لهدية أو كلمة حنية تشيل عنها هموم كتير أبص في الساعة أسأل تاني ليه التأخير؟ رغم كل استعدادات رغم كل التجهيزات ليه مردش عالمسدات يطمني على طريقه واقف في اشارة رمسيس؟ ولا اتقفش في لجنة وغزالته بدون ترخيص طب استجوبوه .. ولا فتشوه وبعتروا عالأرض الهدايا .. الأماني .. والأحلام فاتكسف يجيني ايد ورا وايد أدام وانا قاعد على حالي تجري العقارب تهرب من سؤالي ماله غاب؟ جايز كبر وشاب واعتزل المهنة وسابنا احنا لنار الانتظار تزيد في الأشواق واللهفة طب حيزورني بعد ما يخلص اللفة؟ بس ييجي ....ا ولا يقوللي جو متلج ولا يتلكك ولا يتحجج بس ييجي ....ا انشاله آخر الليل وأبص في الساعة مستني بابا نويل ولا جاني ....ا وانا حاضر بكل انسانيتي وكل كياني مش حيخلف وعده حييجي بكرة او بعده في يوم جديد يشق طريقه وسط الجليد وأجريله بأمانية وأشواقي لهدية أو كلمة حنية تشيل عني هموم كتير حيجيني مكان ما اكون ويهتفلي بفرحة الكون HAPPY NEW YEAR
