النمس

كان ممسكا بكوب اللبن الحليب الأبيض فلما سألته عن سبب عجزه هاج وماج ملوحاً به فى وجهها حتى طار نص اللى فيه على طرحتها البيضا فقال لها ماتخافيش عندى طرح كتير، وعندى كمان فساتين فرح كتير .... ومش بس كده ده أنا كل عربياتى لونها أبيض
طيب تعرفى اكتر أكلة بحبها؟
"البيض"
مين هى و مين هو؟؟
هى مذيعة فى النايل سبورت وهو منسق فى الوايت تيم، عملت معجزات عشان تعمل معاه لقاء حصرى على التلفزيون المصرى
اللقاء مكنش سهل إطلاقا
الشروط كانت صعبة
أولها أنها تلبس طرحة بيضا وفيها توكتين حمر
و مش آخرها انها تلبس جيبة خضرا وعليها أعلان سايبس
نرجع لورا و نشوف أسئلتها و ردوده
هى: أيه رأيك فى الماتش؟
هو :طب أنتِ أيه رأيك فى البطيخ النمس؟!؟
!! هى: البطيخ النمس
هو: البطيخ لونه أيه؟
هى أحمر
هو: وأحلى نوع بطيخ هو أيه؟
هى : أرجوك نرجع لموضوعنا
هو: ماهو دا موضوعنا
هى : هييييييه كمل يا باشا
هو: مش البطيخ النمس لونه أحمر؟ والحكم نمساوى ؟ يبقى دا تحيز من الكابتن محمد حسام
طيب بلاش .. انت تعرفى الكابتن حسام كان بيشتغل أيه قبل ما يبقى حكم؟
ما أدهاش فرصة للرد
كان رئيس البنك الأهلى
شوفتى بقى ؟
البنك الاهلى والنادى الاهلى، و النمسا والبطيخ النمس
برضه بلاش دى
أنتِ عارفة أيه علاقة الأهلى بقى بالنمسا بجد؟
ماعدتش بتفكر ترد أساسا
قال لها صالح سليم ... فى فيلم الشموع السودا ... مين كان معاه هو ونجاة؟
قالت له فؤاد المهندس
قال لها وفؤاد المهندس وشويكار فى الفيلم بتاع أنا وهو وهى
كان خايف من جوزها صح؟
هى:صح يا سعادة البيه
طيب فاكرة جوزها كان أسمه أيه ؟؟؟؟
النمساوى بيه
هى : طيب تعرف أنت خالتى فرنسا؟؟
هو : اشمعنى؟
قالت له أنها لازقة فى النمسا ومافيهاش تلج وهتقوم تعمل فيك زى ما خالتى فرنسا عملت فى البيه مرشح مجلس الشعب بالظبط
تمت ..