ماشي في البلاد تايه شايف وجوه بتيتعيء ماشي في البلاد سرحان مركز في الوجه تبان نفسي ألاقي سبب للحزن إلي في الوجه مليان ماشي في البلاد حيران ألاقي وجوه بتضحك وجواها زعلان ووجوه حزينة بتبكي والفؤاد تعبان!! ألاقي طفل ماشي بيبتسم ودنيته لسه بتترسم بس يا عيني عليه حاله يبكي الجعان ماشي في البلاد حزين نفسي ألاقي حد أمين حد هادي عنده دين ده الشعب يا عيني عليه مسكين والجنيه ميسويش مليم وده كله له يا زمن لئيم؟ وأنا ماشي لقيت شباب مترمين على القهاوي عاطلين وعلى الخيبة متجمعين و لقيت زباله ملية الشوارع و الناس بتكبش منها وعليها تتصارع و كأنها ليهم مناجم ذهب ومزارع و لاقتني في صراع مع الضمير أهج منك يا ده البلد ولا فيكِ أضيع منا لو قعدت فيكِ ماقدميش غير إني أسرق أو أصيع ماشي في البلاد سهران والليل كئيب ملوش أمان و الناس في الشوارع ألوان منهم الجدع ومنهم الجبان و لقيت ست عجوزة شايلة في يديها قرشين للعوزة لكن لهفهم منها ابن الحرام أصله يا عيني كان جعان ألوم الدنيا ولا الزمان؟ ضاعت الأخلاق يا إنسان!! مشيت في الحواري ولقيت بلاوي وأتاريني مش داري الناس بقت عرايا من الأخلاق والنبالة و كأننا في غابة مليانة ذيابه ده حال البلاد بقى يغم راحت فين الأم إللي تعلم وإللي تضم؟ خلاص بقينا شعب يتيم لا وطن ولا دين