اصرخ كفاية سكوت

اصرخ بأعلى صوت
قبل الزمان ما يفوت
الفرح فى العين بيموت
اصرخ بأعلى صوت
    * * *
اصرخ بصوت مسموع
مكسورة فيه الضلوع
مين فينا يقول رجوع
وإحنا فى بطن الحوت
واصرخ بأعلى صوت
قبل الزمان ما يفوت
    * * *
قبل فوات الأوان
والندم يكون نسيان
والآه كلمة حنان
ومسكن للسكوت
اصرخ بأعلى صوت
قبل الزمان ما يفوت
     * * *
كلمة الحق راحت
كلمة الظلم صاحت
ياناس ريحتنا فاحت
من كتر السكوت
واصرخ بأعلى صوت
قبل الزمان ما يفوت
محمد عبدالله محمود