الورد جميل

بكل الحب والتقدير                       ببعت بتحية للجماهير
تعالوا نرحب بضيوفنا                   ونقدم وردة بحب كبير
هما ادونا «وردة» زمان                وغنت أجمل الألحان
صوت الحب ميتعوضش                ولا يتعوض ورد زمان
قالوا عليها مباراة ثأرية                  وفين أخلاقهم الرياضية
دحنا جيران ونبينا موصى               نكرم جارنا ونهدى هدية
دى مباراة مع أخ شقيق                   وطنى العربى مفيش تفريق
فيها منافسة بروح رياضية               فيها نتيجة لكل فريق
مفيهاش فايز ولا مهزوم                  لكن فيها هدف معلوم
مين راح يوصل مش فى دماغنا        كلنا راضين بالمقسوم  
رفع العلم العربى هدفنا                    واللى حيوصل حيشرفنا
تونس مصر جزائر مغرب               واجب لازم يرفع راسنا 
محدش قال نلعب برعونة                 بس بلاش نلعب بخشونة      
بلاش الكارت يشوف النور               مهما زاد اللعب سخونة
أنا بتمنى وأنت كمان                       أجيب أهداف وتجيب أجوان
أنت كسبت هناك فى بليدة                 وأنا بتمنى أكون كسبان
بس عشان نفضل أخوات                  ومنفرحش فينا الخواجات
نلعب كورة بحرص وفن                  وننهى الشوط من غير إصابات
وانتم يلا يا مصريين                       شجعوا مصر بشوق وحنين
جنوب أفريقيا وكأس العالم                منتظريكم- قولوا آمين
أحمد الطويل- فيصل- الجيزة