منصور يطالب السيسي بإعلان «قانون الطوارئ»: متسألش في حقوق الإنسان

طالب رئيس نادي الزمالك، مرتضى منصور، الرئيس عبدالفتاح السيسي بتطبيق "قانون الطوارىء"، مضيفًا: "احمي الشعب بقانون طوارىء وماتسألش في حد".
وقال منصور، خلال مداخلة مع الإعلامي مدحت شلبي ببرنامج "يا مساء الأنوار" على فضائية "النهار رياضة"، اليوم الثلاثاء: "عاوز أقول للي موت ال2 ظباط في رمضان الشهر الحرام إلى مزبلة التاريخ، مايعرفوش كم الكراهية اللي بيكنها المصريين ليهم، الراجل بتاعكم مش راجع، مصر مش هترجع لما قبل 30 يونيو، مش هتبقى العراق ولا سوريا".
وأضاف مخاطبًا السيسي: "طول عمري في مجلس الشعب ضد قانون الطوارىء أنا بقولكم احمي الشعب بقانون طوارىء، المصريين قرفوا، سيبك من جمعيات حقوق الإنسان وحموم الإنسان والقرف اللي إحنا فيه، اعمل قانون طوارىء للإرهابي والبلطجي، وانسى جمعيات حقوق الإنسان.. أمريكا فيها قانون طوارىء".
وتابع: "قانون الطوارىء اللي أنا ضده طول عمري واتكويت بيه من زكي بدر وزير الداخلية الأسبق، بقولك لحضرتك من فضلك اعمل قانون طوارىء أنت في أيدك السلطة التشريعية وما تسألش في حد مصر، ومصر وأمن المصريين أهم من أي بني آدم بيجعر وبيقبض من قطر أو من أمريكا".