ياثورة قومى تانى****وصححى المفاهيم

ياثورة قومى تانى وصححى المفاهيم
ياثورة قومى تانى
عايزين كمان تغيير
ياثورة مصرية من الاف للياء سجلت لولادك***مجد وتاريخ *** ياثورة حققتى***كل اللى نتمناه غيرت النظام كله **اللى كلنا عشناه *** ثلاثين سنة من الظلم***واحنا عليه صابرين *** ولما قلنا كفاية قالولنا قاعدين ومش ماشيين *** وبدلوا الاماكن وقالوا هوده التغيير *** شالوا الحرامى من هنا *** يمكن يفوق ويتوب *** وفهمونا كلنا هو ده الإصلاح *** وحاولنا نصدق كلامهم بس مقدرناش *** لما قلوبنا بكت على شهيد وشهيد *** اللى رفض المساومة ودعانا للتنديد *** علشان نعيش حرية *** خالية من التزوير *** وعشنا جمال الثورة*** بعزيمة شباب موهوب ***وقف بكل قوته من داخل الميدان *** رافع رايات الحق وطالب بالامان *** والجيش قال كلمته واكد التغيير***سجل لنا يا تاريخ واشهدلنا يازمان*** دا في 25 يناير كانت ثورة التحرير *** ثورة ابيه ونقية مصرية مهما كان *** حققت لنا احلامنا وقضت على الطغيان *** وضحت كل الحقائق ***وقضت على التعتيم ***وشهدلها الكل بنجاح غير مسبوق*** الف مليون تحية من داخل الميدان *** اللى كتبلنا التاريخ وسجلنا الامجاد *** بس للثورة بقية محتاجة منا كمان *** علشان كده بنادى ونقول بأعلى صوت
ياثورة قومى تانى*** وصححى المفاهيم****ياثورة قومى تانى *** عايزين كمان تغيير
باقى نفوس الناس *** لازم من التطهير*** قومى ياثورة وامحى حقد وكره قلوب *** قومى ياثورة واقضى على رشوة وايد بتطول *** من فرد ولا اثنين لازم كله يزول *** قومى ياثورة تانى وصححى المفاهيم *** الحق صحيح مطلوب بس اللى قبله وجوب *** قومى ياثورة تانى ***وجمعى ولادك***المسلم ويا المسيحى***عايزين الأيد فى الأيد *** ياثورة ارفعى صوتك ونادى الناس للعمل وخلى شعارك انهارده *** كفايه خلص الكلام ***الوقت كله انتهى ومعدشى فية اعذار***وقولى للى جاى يعتذر***كان لسه فاكر ولا ايه***قوليلو دول تلاتين سنة ***الام وحزن ويأس ودمار***وفكريه بشعب كان كل امله ***مجرد رغيف***وبيت صغير جنب الولاد ***بدل مايغرق فى المحيط***وذكريه بأم الشهيد ***قاعدة بتبكى لفراق حبيب***قوليلوا بلاش نفتكرالم ومرار كل اللى فات ***الشعب خلاص قال كلمته ***ومعدشى ينفع الإعتذار**واللى هيقضل يسمعلهم*** يبقى بيضيع الإحلام *** وتبقى مصر هانت على الكل فى الميدان *** وسعتها لا ينفع ندم ولا ثورة فى التحرير *** لان الخسارة هنا هتكون خسارة وطن *** علشان كده بنادى ونقول بأعلى صووووووووووت
ياشعب فين همتك ***قوم كمل المشوار*** شوية صبر وعزيمة *** علشان أجمل الاوطان
وكده خلص الكلام ***وباقى بس نفكرك *** بكلام جميل اتقال ***لشاعر من قبلنا *** بيأكد لنا ويقول
لا تحسبن المجد تمرا أنت آكله * * * لن تبلغ المجد حتى تلعق الصبرا
د هناء على حسن***استاذ بعلوم المنصورة