فيلا 45 متر.. ليك أنت وحماك!

-حبيبتى أخيرا هقدر اتقدم لأبوكى وأنا متقنعر وحاطط رجل على رجل كمان، ماأنا خلاص بقيت لقطة ومفيش منى
-ياسلام أخيرا حلمنا بيتحقق بعد صبر 9 سنين
-ياستى بلاش تأنيب ضمير كل دا علشان كام سنة مشينا مع بعض فيهم من ورا أهلك
-ياسلااام ! كام سنة!.. دا حنا لو كنا اتجوزنا كان زمان معانا عيل في المدرسة
-ماتقفشيش كدة بقى..انت مابتعرفيش تفرحى!.. ياستى بكرة نملى البيت عيال
-طب خلاص احدد لك معاد مع بابا امتى
-ياستى أي قت أصلا ابوكى قاعد ورا الباب مستنى أي حد يشيلك
-ماشى ياعم من حقك ماانت بقى عندك شقة
(يذهب العريس وفى كامل أناقته لخطبة حبيبته)
-بص يقى ياابنى اللى أوله شرط أخره نور.. بنتى ماتدخلش بأقل من اربع أوض زيها زى بنات عمها
-فين بس ياعمى دى الشقة كلها 45 متر!
-وماله مايضرش كل وضة في عشرة متر والخمسة الباقين للمطبخ والحمام
-جرى إيى ياعمى دا انت محسسنى إنها فيلا !
(هزات قوية متتالية)
-إية دا البيت بيتهز ياعمى
-أة ياحبيبى ماهو أيل للسقوط من 9 سنين
-!!!!!!
-زيمبئولك كدة بس شوف فرج ربنا!.. فضل ساترنا لحد ماالشقة جت
-الحمد لله ياعمى إنك عامل حسابك
-علشان تبقى تسمع كلامى لما أقولك تفرشها أربع أوض
-تقصد إية ياعمى؟
-ولا حاجة ياحبيبى.. شقتك يبقى فيها أوضة ليا أنا وحماتك وأوضة للعيال وأوضة ليك أنت ومراتك.. وأوضة انترية بقى علشان الضيوف
-إية!!!!
-طبعا أمال أنا سايبك تتسنكح مع البت من 9 سنين لية ياناصح!