حينما يتحول الفيس بوك إلى "مصطبة"!

ما الغرض من استخدام مواقع التواصل الاجتماعى؟
من الخطأ أن تسعى الإجابة وراء أيقونات التبادل الثقافي والمعرفي والمعلوماتي بين أفراد المجتمع الواحد وبين مجتمعات أخرى، أو تبادل الخبرات واكتساب الثقافات واللغات والعادات
والاجابة الصحيحة هي:
1- مشاركة الحياة الخاصة مع الآخرين
Soso Ayman...Eating jelly 
بالهنا والشفا-
كده بتاكلى وحدك-
Ana Nona... Feeling Sad
ليه بس مالك يا جميل-
ايه هو برضه نفس الموضوع بتاع امبارح -
2- تبادل الآراء والثقافات مع الآخرين
Mego Man... مبروك للأهلى هههههه وهاردلك الزمالك ياعينى-
هههههههه يا بنى زمالك مين دول أصلا "%%^+^)-
-انت اصلا اللى عيل "%$^&*" الزمالك ده اصلا احسن من الاهلى "*^^*%^*^" واى حد هيقول كلمة على الزمالك ه "$^*%%%)
3- التأثر بالآخرين والتأثير عليهم
الابن : أنا هنتخب "أ" ده أحسن واحد في المرشحين
-الأب : طب عارف يا "*^%$#" والله العظيم إن ما انتخبتش "ب" مش هتدخل البيت انت وال "%%$%*" صاحبك التانى ده
4- التغيير
الوردة الحائرة.. انتهى وقت التقدير ومعاملتى هتتغير مع ناس كتيير
- مالك يا حبيبتى - مش كل الناس وحشة أكيد انتى معرفتيش تختارى الناس الصح-
- أه والله عندك حقك لازم يشوفوا الوش التانى
5- القرار
المطرب ماجد العيسوى...يا جماعة أنا عندى ناس كتير في الفريند ومعرفش نصهم، عشان كده محدش يزعل منى بليز، أنا قررت أمسح الناس اللى مش فعالين معايا واللى مش حاطين صورهم الحقيقية
- انت فاكر نفسك مطرب بجد يا عم انت
- أنا معاك على الأكونتات بتاعتك كلها يا باشا أهو، وشغال لايك وشير على فكرة بقى صوتك جامد آخر 3 حاجات .
6- الانتشار
إذا كنت تحب الله ورسوله ادخل على صفحتنا ودوس لايك
يا جماعة ممكن تدخلو تشوفوا صفحتى واذا عجبتكم دوسوا لايك
أخبار وفضايح الوسط الفنى .. دوس لايك وهتعجبك
إن كنت تستخدم مواقع التواصل الاجتماعي في غير ذلك.. إذن أنت تملك الكثير من أوقات الفراغ، ودقة قديمة شوية،
لذا فعليك مواكبة العصر ومشاركة حياتك اليومية مع كل من تعرفه ولا تعرفه، على جميع المواقع، ولا تنسى الاشتراك في صفحة الفنان "ماجد العيسوى" فربما يبتسم له الحظ يومًا، ويصبح من المشاهير، وتكون أنت من المحظوظين المتابعين لأعماله الفنية وصاحب أول تعليق على أى "ستيتس" يقوم بكتابته.