أيمن بهجت قمر يوجه رسالة عتاب لعمرو دياب

وجه الشاعر أيمن بهجت قمر رسالة للفنان عمرو دياب على صفحته الخاصة بموقع التواصل الاجتماعي "فيس بوك"، وجاءت رسالة قمر عن طريق أغنياته التي ألفها لعمرو، على مدى مشوار تعاونهما سويًا.
وتضمنت الرسالة الاَتي: "أكيد لما بتفارق حد كان فيه بينك وبينه عشر ساعات بيوحشك ساعات بتحن لكل أيامك معاه، وممكن كمان تندم على بعدك عنه، وممكن تحس إنك اتسرعت إنك سيبته أو خسرته وساعات برضه لما بتفكر بعقلك بتغضب وتلوم نفسك على ندمك ده خصوصًا لو موقفك ده نتيجته إنك أنت واللي حواليك والناس اللي منك هيحترموك وقبلهم أنت هتحترم نفسك يمكن ماتحسش بنتيجة ده النهارده وتحسه بكره لكن اكيد مادام قدرت تدوس على نفسك وتاخد القرار يبقى لازم تستحمل كل المشاعر المختلفه والمتضاربه دي".
وأضاف: "أهم حاجه تخليك تحس إن اللي قدامك يستاهل تضحي عشانه أو يستاهل إنك تيجي على نفسك انك تحس إنه يستاهل.. ويستاهل دي جواها معاني كتير يعني هو انك تبقى متأكد أن هو كمان مستعد يضحي وييجي على نفسه عشان خاطرك مايبقاش أناني ياخد اللي هو عايزه وبس ولما تحتاجله يسندك مش تلاقي نفسك مسنود على الهواء".
وتابع: "اللي بينا كانت سنين وعشره.. علاقه الطرفين استفادوا منها واللي يشوف غير كده يبقى مجنون لإن الشواهد كلها بتقول كده وعايشه ومش هتموت واللي مش معترفين بده هما أول ناس بيصَّرخوا مع كل كلمه بتتنطق في الصفحات الخاصه بيا في تاريخ حكايتي معاه".
واستطرد قائلا: "كان ممكن يحل كل ده بكلمة في مكالمه بموقف بلفتة اهتمام صغيره يمكن مالهاش وزن قصاد كفة اللي اتقدم واتعمل واتعاش وعاش ولمس قلوب كل اللي شهدوا ع الحكايه وحفظوا كل كلمه في تفاصيلها".
وأوضح: "المواقف واضحة والبياع مابيفكرش هو بيبيع مين صاحبه ناسه مكانة نفسه حتى
بيع المهم إنك تقبض تمن البيع ده وتحس بنشوة في السباق.. وتحس بالانتصار في نهاية الصراع.. وتحس بالشبع مع إنك مش جعان.. مع إن لانت محتاج تسابق لإنك سابق اساسًا ولا محتاج تصارع ح.. انت محتاج تعيش وتستمتع وتحمد".
واختتم: "صديقي اللي راح.. ما انكرش بفتكرك.. مانكرش إني أوقات بغير عشان أنا مش ملاك.. ما انكرش إني بغضب وبثور وبندفع.. لكن صدقني خلاص من الليلادي مش ندمان.. صديقي اللي كان طيب.. هلومك ليه ونقول إيه ولا يهمك فب إيه حتى.. عمومًا هي أيام وبنعيشها.. وكل واحد يعمل اللي يريحه".