الفنانة دينا فؤاد: "جيش مصر هو شعبها و مصر للمصريين وبس"

أعربت الفنانة دينا فؤاد، عن سعادتها وفخرها بالمشاركة في الندوة التثقيفية للقوات المسلحة التي أُقيمت اليوم الأحد، احتفالًا بالذكرى ال42 لانتصارات أكتوبر المجيدة، بحضور الرئيس عبد الفتاح السيسي وعدد من القيادات والشخصيات العامة.
وقالت دينا فؤاد:" تشرفت بالمشاركة في الندوة التثقيفية لاتنين وأربعين لانتصارات أكتوبر، والاحتفال بانتصارات أكتوبر بحضور الرئيس، وكان شرف لي إن أنا أشارك في الندوة وأتكلم عن هذا الحدث العظيم اللي نفخر به دايمًا، إضافة إلى الحديث عن المرحلة الجديدة لسيادة الرئيس".
وأضافت فؤاد: "أنا بمثل النصف الثاني من الحكاية، أنا شهدت مرحلة مختلفة مليانة تحديات مرت بيها مصر خلال السنين اللي فاتت، فأنا شاهدة على المرحلة التانية من حكاية الوطن، بكل ما فيها من تحديات من سنة 2011، من الإرهاب، لجائحة كورونا، للأزمات الاقتصادية والحروب اللي بيشهدها العالم".
وتابعت: "رغم إني ما عشتش المرحلة الأولى من النصر، لكني حريصة دايمًا إني أسمع وأفهم من اللي عاشوها، علشان أحافظ على أصل الحكاية وأحكيها لبنتي زي ما بابا وماما حكوهالي".
وواصلت: "أنا عايزة أعلّم بنتي إن الشعب المصري دايمًا إيد واحدة ضد أي حد يفكر يمسّ بلدنا، وإن في سنة 2013 الشعب المصري كله خرج بإرادته لجيشه، ينادي عليه ويحتمي به ويحافظ على مطالبه".
واختتمت دينا فؤاد كلمتها برسالة مؤثرة قائلة: "في اللحظة دي اكتشفت إن جيش مصر هو شعبها، وشعبها هو جيشها، وإن مصر للمصريين وبس".