"صباع كفتة" يثير عاصفة ضحك وينسي المصريين اختراع علاج الإيدز والكبد

صحيح احنا شعب ابن "كفتة" مش نكتة .. كان هذا "الإفيه" حديث مواقع التواصل الاجتماعي طوال الساعات الماضية تعليقاً على تصريح أدلى به اللواء دكتور إبراهيم عبد العاطي صاحب الكشف العلاجي الذي يقال أنه يعالج مرض الإيدز والتهاب الكبد الوبائي فيروس سي في مدة أقصاها 16 يوم.
حيث قال اللواء عبد العاطي بالنص : "هزمنا الإيدز ..ثقوا أننا هزمنا الإيدز.. وقهرنا السي (مرض التهاب الكبد الوبائي)، ولن تجدوا مريضاً يعاني من هذا المرض وهناخد الإيدز ونحطه في صباع كفتة ونغذي بيه المريض".
ورغم أن هذا التعبير التلقائي الفكاهي قيل على سبيل طمأنة المرضى والثقة في كفاءة الاختراع الكفيل بهز عرش سوق العقاقير الأمريكية والأوروبية التي تربح المليارات من وراء هذه العلاجات إلا أن المصريين كعادتهم تلقفوا هذه "القفشة" لإثارة عاصفة من الضحك والسخرية و"الألشخانات".
وبطبيعة الحال لم يضيع المصريون هذه الفرصة حيث قضوا ليلتهم يتناوبون الضحك على وقع "الكفتة" وكان من بين هذه التعليقات التي تداولها نشطاء مواقع التواصل الاجتماعي:
@mohamedfarahat5 واللي المرض عنده في المراحل الأخيرة هيأخد أطول صوباع كفتة !
@mo7amedroshdy25 لا سحر ولا شعوزة ناخد الايدز من المريض و نديهولة فى صباع كفتة بلد كفته صحيح
@The_Nagdy صباع كفتة بيعالج الأيدز و فيروس c !!! ده على كدة لو أكلت كيلو كباب هأبقى super man
@AbdelazizSeada عملتوا ايه عشان مرض الايدز؟ .... صوباع كفتة ... وهاتعملوا ايه لفيرس سي؟ ... رز وبسلة
@Mirna_elhelbawi هاهاهاهاهاهاهاها هيفتت الإيدز ويديه صباع كفتة للمريض؟ عمو عمو أنا عايزة ريشة!
@kghobrial1 هو البني آدم إيه، غير صوباع كفتة وشوية فيروسات على بعض؟!!
@ihozaam طلع الجهاز .. وأحنا قاعدين قال كان عندك إيدز وراح .. وأحنا قاعدين قام باصصلنا كده ومطلع صباع كفتة قومنا أحنا أتخضينا بقى .
@AmmarIsmail25 يوم ما دخلت تمريض كنت زعلان ان انا همسك حقنة دلوقتي همسك صباع كفتة
@MohammedMoghazy بيقولك هياخد الإيدز ويديك صباع كفتة !!! طب الى بيحب السى فود يعمل اية ؟!! يموت بإيدزوو
@Ahmed__x2 بيقولوا علينا شعب زياط و بيحب الهري ... "علاج الايدز صباع كفتة" اشهد يا رب هما اللي بيستفزونا !!!
@omna_sara الخونة بتتريق على كلمة "صباع كفتة" عشان الراجل بيقربها لذهن المواطن, هو بيحوله لأحماض أمينية اللي هي الوحدة البنائية لأي بروتين كفتة او فراخ
@MarwaKhattab صباع الفنجري .. صباع مرسي .. صباع كفتة ؟!! لقد هرمنا من الصوابع
وفي النهاية لا يسعنا إلا أن نقول للسادة المسئولين عن هذا البلد "أرفض حدوث هذا" وبالهنا والشفا وكل كفتة وأنتوا شفيانين.