انفراد.. ننشر نص تحقيقات النيابة مع مودة الأدهم

تنفرد "البوابة نيوز" بنشر نص التحقيقات مع، مودة فتحي رشاد والشهيرة ب"مودة الأدهم"، 20 سنة، والطالبة بالفرقة 3 بكلية الإعلام بإحدى الجامعات الخاصة.
ووجهت النيابة أسئلتها للمتهمة على النحو التالي:
س. ما هي ظروف اسرتك المادية؟
ج. امي كانت مهندسة زراعية حاليا على المعاش ووالدي كان أمين شرطة وعمل معاش مبكر وانا ابويا حالته المادية كويسة جدا عشان هو وارث من والده.
س. وما هي ممتلكات والدك تحديدًا ؟
ج. هو عنده فدادين زراعية بكوم حمادة وعنده عمارة بمرسى مطروح وعنده عمارة في كوم حمادة.
س. ما هي مصادر دخلك ؟
ج. من أهلي ومن اليوتيوب ومن البيوتي سنتر اللي انا مشاركة فيه ايناس ا، بنسبة 20%.
س. وهل لديكي ثمة مصادر دخل أخرى ؟
ج. لا معنديش.
س. وما قولك فيما أثبته العميد أحمد ن، من انك تنتمي إلى أسرة بسيطة الحال وانفصلتي عن أهليتك بمرسى مطروح منذ 3 سنوات ؟
ج. محصلش هو أبويا طلع على المعاش مبكر وكان وارث من جدي وحالته المادية كويسة وعنده عمارتين نتيجة الورث.
س. منذ متى بدأتي تستخدمي مواقع التواصل الاجتماعي ؟
ج. من نحو 4 سنين.
س وهل قام أحد بارشادك بذلك ؟
-ج. لا
س. وما هي كيفية بدءك لاستخدام تلك مواقع التواصل الاجتماعي ؟
ج. عن طريق لما ابتديت اتعرف لما دخلت ميس ايجيبت وابتدت تطهر ليا صور على السوشيال ميديا ولما ابتديت اعمل فيديو للتسلية والهزار انا وأصحابي وجابلي نسبة مشاهدة بالملايين بعد لما نشرتها على موق ميوزكلي اللي اسمه دلوقتي التيك توك فابتديت اتعرف في مجال السوشيال ميديا.
س. وما هي جميع حساباتك على مواقع التواصل الاجتماعي ؟
ج. الحسابات بتاعتي الموثقة التيك توك والإنستجرام وقناتي على اليوتيوب ومعنديش أي حسابات على فيس بوك انا كل حساباتي بس اللي قولت عليها هي اللي موثقة واي حسابات تانية موجودة مش خاصة بيا.
س. ما هي علاقتك بتطبيق لايكي ؟
ج. ماليش أي علاقة بيه غير من نحو سنة مجموعة من صحابي قالولي ان ليا فيديوهات بتنزل على التطبيق فدخلت اشوف الفيديوهات وبس وكانت الفيديوهات دي عبارة عن فيديوهات تسلية وهزار وانا بحرك شفايفي مع اغنية معينة ونزلها تطبيق لايكي لجذب مشاهدات دون موافقتي وعملوا كدا مع نفسهم.
س. هل تحصلتي على مقابل مادي جراء نشر تلك المقاطع على تطبيق لايكي ؟
-ج. لا
س. وهل اتخذتي أي إجراءات قانونية حيال ذلك ؟
ج. لا
س وما الذي حال دون ذلك رغم قيامهم بنشر مقاطع خاصة بكي كما قررتي وعدم حصولك على اية مبالغ مالية جراء ذلك كما قررتي لنا ؟
ج. انا مكنتش فاضية اعمل إجراءات قانونية عشان كنت مخطوبة.
س. وما علاقة خطوبتك بعدم اتخاذ الإجراءات القانونية ؟
ج. كنت مشغولة بالخطوبة.
س. قررتي بعدم قيامك بنشر اي مقاطع تخص تطبيق لايكي أو الدعاية لها ما قولك فيما ثبت من مطالعة النيابة للمقطع المعروض عليكي الآن من على حسابك على الإنستجرام والتي قررتي لنا بانه الحساب الموثق ؟
ج. اول حاجة دا ابلكشين لايك مش لايكي يعني دي شركة ودي شركة تانية خالص وانا كنت بعمل عمل خيري لمستشفى 57357.
س. ما قولك فيما شهد به العميد أحمد ط، بتحقيقات النيابة العامة بان شركة لايكي هي ذاتها شركة لايك وان ذلك الاسم كان اسم الشركة منذ سنتين داخل مصر ؟
ج. هو الفيديو اللي اتعرض دلوقتي كان من سنة وكان اسمه لايك.
س. وما قولك فيما شهد به العميد أحمد ن، بتحقيقات النيابة العامة من قيامك بالتعاقد مع شركة لايكي من ان كان اسمه داخل مصر لايك واستمرت علاقتك مع مديري التطبيق من خلال المتهم محمد محمود محمد محمود محجوب والمتهمة مارجين قاموا بالاتصال بكي من خلال الايميل الخاص بكي وعرضوا عليكي الاستعانة بشهرتك على المواقع الإلكترونية ونشر عدة مقاطع فيديو على حساباتك المختلفة تقومي بدعوة الفتيات بالامتثال بكي والرقص مثلك ونشرها للدخول على تطبيق لايكي ؟
ج. محصلش يا فندم.
* وواجهت النيابة المتهمة بمقطع فيديو تتجاوز مدته الدقيقة وتسع ثواني تظهر فيه فتاة ورجل يمارسان علاقة جنسية بداخلد ورة مياه.
س. ما صلتك بالمقطع المعروض عليكي الآن ؟
ج. المقطع دا مش بتاعي وظاهرة فيه البنت اللي هو مش أنا خالص ودا المقطع اللي مقدمه الضابط بس مش كامل ولكن انا قدمته كامل.
*وواجهت النيابة المتهمة بمطقع فيديو اخر من خلال الفلاشة المقدمة من العميد أحمد طاهر والذي مدته 32 ثانية والذي تظهر فيه المتهمة قائلة: "رسالة إلى كل السناجل" ثم طلبت من طفلة الحضور قائلة: "قوليلي يا ساندي انتي مرتبطة ؟" فاجابتها الطفلة: "آه" فسألتها المتهمة: "انتي عندك كام سنة ؟" فاجابتها الطفلة: "13 سنة" فقررت المتهمة عندها 13 سنة يا جماعة ومرتبطة حد عايز يقول حاجة انا عن نفسي نوكومينت مش هتكلم الاب ايدج ايه نظامهم، الاندر ايدج ارتبطوا خلاص ايه بقي انتوا نظامكوا عشان انا الحمد لله".
س. ما هي صلتك بالمقطع المعروض عليكي ؟
ج. البنت دي جارتي ومامتها صاحبة مامتي
س. واين قمتي بنشر ذلك المقطع ؟
ج. انا منشرتوش في حتة.
س. ما قصدك من الادلاء بذلك المقطع (الاندر ايدج ارتبطوا خلاص ايه بقي انتوا نظامكوا عشان انا الحمد لله)
س. قررتي في بداية التحقيقات بما يسمى المسابقات وضحي لنا تحديدا كيف تم
ج. هو بالنسبالي باعتباري شخص مؤثر على السوشيال ميديا فبيجيلي سبونسرز زي دكاترة أو لاعبية كورة وعادات ومذيعين عايزين يكبروا الاكونت الخاص بيهم وعدد المتابعين فهما بيلموا من بعضهم ويجيبو هدايا وباخدها منهم وانا بطلع على الاستوري عندي واقول للمتابعين بتوعي باعتبار انهم كتير اللي عايز يشترك فيها شروطها انهم يدخلو يعملو متابعة للاكونتتات بتاعة الاسبونسرز اللي جابو الهدايا عشان المتابعين بتوعهم يزيدو وبعد أيام هعلن مين اللي هيكسب بالهدايا دي وفعلًا بعديها بثلاث أيام بختار عشوائي من المتابعين في الاكونت بتاعي واحد أو أكثر منهم وده اللي بتفق معاه وبروح اوديله الجائزة اللي المفروض الاسبونسرز اللي جايببنها
س. وما سبب اختيار سالفي الذكر لكي؟؟
ج. عشان انا عندي متابعين كتير على الإنستجرام
س. وما الذي يطلبه منك سالفي الذكر تحديدًا؟؟
ج. هما عايزين المتابعين بتوعهم يزيدوا عن طريق تقديم هدايا عن طريقي انا
س. وما عددهم الذين يطلبون منك ذلك؟
ج. هو بيبقى عددهم من عشرين لحد خمسين
س. وما أسماء سالفي الذكر تحديدًا؟؟
ج. هما كتير قوي انا كل شهر بعمل مسابقة فمش هفتكر أساميهم ايه بس فيه واحدة اسمها ميرنا هي اللي بتجبلي الهدايا والجوائز اللي باخدها منها
س. وما هي محل إقامة سالفة الذكر؟
ج. هي من المنصورة معرفش غير كده
س. وما هي صلتك بيها
.ج.هوا اللي عرفني عليها دكتور على وده من مشاهير السوشيال ميديا
وأثبتت المحكمة، طلبات الدفاع، حيث طلب دفاع المتهمة مودة الأدهم التصريح له باستخراج محاضر مباحث التكنولوجيا والمعلومات المحررة بتاريخ 19 مايو 2019 الخاصة بسرقة هاتفها المحمول والتي تضمن تهديدها وابتزازها بالصور الخاصة بها الموجودة عليه، كما إخلاء سبيل مودة الادهم بأي ضمان تراه المحكمة لحين تنفيذ تصريح المحكمة له سالف الذكر وتقديم المستندات والاستعداد للمرافعة النهائية، كما طالب دفاع الطالبة حنين حسام وباقي المتهمين الإطلاع على أوراق القضية.
وأجلت المحكمة الاقتصادية، أولى جلسات محاكمة حنين حسام، ومودة الأدهم، و3 آخرين، في اتهامهم بالتعدي على القيم والمبادىء الأسرية، ونشر الفسق والفجور، في القضية المعروفة إعلاميًا ب "فتيات التيك توك" لجلسة 29 يونيو الجاري.