"حقوق المرأة" تهاجم مغني "إنتي أي كلام": "المشرحة مش ناقصة قتلة"

هاجمت نهاد أبو القمصان، رئيسة المركز المصري لحقوق المرأة، المطرب تميم يونس، على خلفية أغنيته الأخيرة "سالمونيلا" قائلة: "المشرحة مش ناقصة قتلة، وأغنية سالمونيلا جريمة".
وأضافت "نهاد" عبر صفحتها الشخصية بموقع التواصل الاجتماعي "فيسبوك": "أنا مش بتكلم عن التحليل الفني، وأنها كوميديا لكن تميم شاب بتاع دعاية وإعلانات، يعني فاهم كويس، التأثير في الوعي، واتجاهات السلوك، ودايما الكلام عن الستات البضاعة الرايجة حتى لمشايخ السلفية، فهو بيهبد الهبدة اللي يعمل بيها فلوس على النت من أول "إنتى أي كلام" لحد "لو قلتى لا هقول عليكى مسكبة".
وتابعت رئيسة المركز المصري لحقوق المرأة: "دى جريمة كراهية تتعمل في بلد مفيهاش ميثاق إعلامي أو قانون بيحمي الناس من العنصرية حلال عليه القرشين، والترند وبرامج السهر اللي هتركب على الترند، بس ما يطلعش هو يعمل فيها المثقف الفهيم بتاع المبادئ، اللي بيواجه مجتمع ذكوري لأن حضرتك فتحت باب للتنمر والعنف ضد البنات والستات مش عارفين آخره إيه".