أبو فريخة: أعتذر عن ما حدث من لاعبي الأهلي والزمالك في قمة السلة

تقدم مجدي أبو فريخة رئيس مجلس إدارة اتحاد السلة باعتذاره لجمهور كرة السلة عن منظر مباراة الأهلي والزمالك في دور ال 16 بكأس مصر.
وقال مجدي في تصريحات إعلامية الليلة بقدم اعتذار على المنتظر المسيئ الي ظهر في المباراة من أكبر ناديين المفروض يكونون مثالا يحتذى به، للأسف المنظر ده طلع من مدربين سابقين لمنتخب مصر ولاعبين لمنتخب مصر".
وأضاف "المباراة شبه منتهية، مهارة إيهاب أمين بتتلعب في العالم كله، الناس بتقول إن آخر الماتش تهدي اللعب لكن ده مش شرط قانوني، القانون بيقول مادام المباراة شغالة يبقى من حق اللاعب يعمل اللي هو عاوزه أو يأدي أي مهاراة".
واستكمل "مباراة شد وجذب واللي كسبان فرق 12 عاوز يخليه 15، والدليل أن لعيبة الزمالك كانت بتدافع في آخر لقطة في المباراة".
وأكمل أبو فريخة "كرة بتعجب الجمهور ومن أكتر اللقطات الي بتتعمل في أوروبا، لما بتحصل في كرة القدم مش بيكون قرار غلط".
وأكد مجدي أنه كان ينتظر من مجلس إدارة النادي الأهلي أو الزمالك اتخاذ قرارات تربوية تجاه لاعبيهم المخطئين أو الجهاز الفني للزمالك قائلًا "من حق أي نادي يتظلم على العقوبات ولكن أنا كنت مستني الناديين يوقعوا عقوبات على لاعبيهم قبل ما نعاقبهم احنا، لحد دلوقتي مفيش نادي عاقب لاعبيه".
مختتمًا تصريحاته: "أشكر الجهاز الفني للأهلي على تفهمه للقانون وعدم نزوله لأرض الملعب".