زكي عبد الفتاح يرد على أحمد حسن: لازم يشكر برادلي

رد زكي عبد الفتاح مدرب حراس مرمى منتخب مصر السابق ومدرب لوس أنجلوس الأمريكي الحالي على تصريحات أحمد حسن بأن زكي وبوب برادلي كانا من أسباب عدم وصوله لرقم أكبر في عمادة لاعبي العالم.
وقال زكي في تصريحات إعلامية "أحمد حسن لما جينا كان محتاج مباراة علشان يوصل للرقم القياسي ولاعبناه ماتش البرازيل".
متابعًا " أقسم بالله برادلي قالي دي حاجة هتتحسب لمصر وأنا هلاعبه أكبر عدد من المباريات علشان يوصل لأبعد رقم ميقدرش حد يحققه، رغم اننا بنبي جيل جديد لكن قولنا دي حاجة كويسة لازم نساعده فيها".
وأضاف "أحمد حسن لازم يشكر برادلي بدل ما ينتقده".
وواصل عبد الفتاح تصريحاته "أول ماتش في تصفيات كأس العالم بموزمبيق في إسكندرية ببرج العرب، قبل المباراة بيوم كان عارف إنه مش هيبتدي وإنه في المعسكر معانا قال أنا عندي تمزق في العضلة الخلفية".
واستكمل "أحمد حسن اتفاجئ تاني يوم إن قائمة الفريق في التصفيات بتكون 23 لاعبا مش 18، نزل لسمير عدلي وقعد يشتمه بالأب والأم وقال ازاي محدش قالي، لو كنت أعرف كنت قعدت احتياطي وممكن ألعب، برادلي اتعجب من إن تصرف زي ده يطلع من كابتن الفريق والمفروض يكون احترافي".