شريكان في الوطن والتجارة.. "صابر": "اللي كان بيراجع معايا حفظ القرآن مينا"

على بُعد أمتار من كنيسة قرية طنط الجزيرة، يجلس صابر ومينا أمام منزلهما، ويسردان ذكرياتهما الماضية.
يقول صابر: قريتنا طنط الجزيرة يحدها النيل من ثلاث جهات، وأبرز ما يميزها أن نصفها مسلمين ومسيحيين، ويؤكد أن هذه القرية لم تشهد أى حالات عنف أو فتنة أو حتى شجار بين أهلها، بل على العكس تماما جو المحبة سائد فى كل الفترات، ويتابع: «مفيش مرة لقيت حد مسلم بيتخانق مع جار مسيحى حتى لو فى حاجة بسيطة حصلت بين أطفال العيلتين، الموضوع بيتلم على طول، والعيلتين بيتصالحوا».
ويستكمل: «كان عمدة البلد ومديرو المدارس من الأقباط، وعمر ما حد اتكلم فى الأمر ده ولا حطيناه فى دماغنا، ولا حتى العيال حست بيه ولا موضوع الدين ده بنتكلم فيه من الأساس، دول ولادنا ودول ولادنا والبيوت واحدة».
وعن أبرز المواقف التى رآها صابر يقول: «كان زميلى فى التختة مينا، بيسمع لى الآيات اللى بحفظها من القرآن، وعندنا واحد اسمه ماهر سعد خطاط بيروح المساجد والمدارس ويكتب أحاديث وآيات قرآنية على الحيطان بخط جميل وهو أساسا مسيحي».
وبسؤاله أنا من غير الممكن طيلة هذه السنوات لم يعاكس شاب مسلم فتاة مسيحية أو العكس، أو يتشاجر طفلان أو أى شىء من هذا القبيل، أكد وأقسم أنه لم يحدث، والأطفال يلعبون سويا وتتبادل الأسر الزيارات فى أعياد ميلادهم.