رسائل السيسي لأبناء الشهداء احتفالا بعيد الفطر

احتفل الرئيس عبدالفتاح السيسي، مع أبناء أسر شهداء القوات المسلحة والشرطة، بعيد الفطر المبارك، داخل مركز المنارة بالتجمع الخامس.
وهنأ السيسي، أبناء الشهداء، وأسرهم بحلول عيد الفطر، مؤكدًا عدم تخليه عن أبناء وبنات شهداء ومصابي مصر.
وقال خلال كلمته التي وجهها لأسر الشهداء: "كل سنة وأنتم طيبين جميعًا واسمحوا لى أن أشكركم لأنكم موجودين معانا النهاردة".
وأضاف: "بشكركم مش باسمى بس، ولكن باسم كل مصرى، مش عايز أقول كلام صعب فى اليوم ده، لكن عايز أقول إن الشهداء والمصابين قدموا أرواحهم علشان إحنا نعيش.. اوعوا تفتكروا إن التمن ده بسيط لأ والله، لما يبقى فيه 100 مليون فى أمان وسلام لأجل خاطر أبناء وأزواج يقدمون أرواحهم.. ده أمر ربنا وحده اللى هيكافئ عليه".
وتابع: "كل سنة وأنتم طيبين، وجودنا دلوقتى رسالة لينا كلنا وللشعب المصرى كله، وكل مواطن يعرف إن فى اليوم ده لا يمكن أبدًا لا هننسى ولا هنتخلى عنكم، ده كلام مش بنقوله علشان احنا مع بعض، لا هننسى ولا هنتخلى عن أبناء وبنات مصر الشهداء والمصابين، وهتجدونا دائما موجودين، وأتمنى إن احنا نكون أدخلنا جزءًا يسيرًا من البهجة والسعادة عليكم كلكم وولادى الصغيرين وأحفادى، كل سنة وأنتم طيبين وعيد سعيد عليكم".
وأدى الرئيس عبدالفتاح السيسي صباح اليوم الجمعة صلاة عيد الفطر المبارك بمسجد المشير طنطاوي بالتجمع الخامس، بحضور الدكتور مصطفى مدبولي، رئيس الوزراء والفريق محمد زكي وزير الدفاع والدكتور علي عبدالعال رئيس مجلس النواب، والدكتور أسامة الأزهري، المستشار الديني لرئيس الجمهورية، الذي أم وخطب خطبة صلاة العيد، وعدد من كبار قيادات الدولة.