بالصور.. حفل توقيع "شكلها سافرت" بمكتبة ديوان

أقامت الكاتبة سها الفقي، حفلا لتوقيع ومناقشة كتابها "شكلها سافرت" الصادر عن دار دون للنشر والتوزيع، بمكتبة ديوان بالزمالك.
يجمع الكتاب بين أدب الرحلات والأدب الساخر باللغة العامية ومن اجواء الكتاب:"الكتاب ده للّي حب وما طالش، واللي حب وما اتحبّش، واللي ما عرفش يحب.
الكتاب ده للناس اللي بتعرف تفرح، والناس اللي بتدّي الزعل حقه. للحزين اللي بيخبّي مشاعره ورا ابتسامة، والفرحان اللي خايف من الحسد.
الكتاب ده لكل حد فضل يدوّر على حاجة لفترة طويلة واكتشف إنها مش موجودة بس ما بطّلش تدوير.
للّي في علاقة ناجحة، واللي في علاقة نفسه تنجح، واللي ما عرفش يدخل علاقة بس نفسه يجرّب، واللي مش مؤمن بالعلاقات خالص بس بيفرح لما يشوف اتنين مبسوطين مع بعض.
الكتاب ده للّي ناسيين نفسهم، واللي فاكرين حلمهم، واللي شبطانين في الحياة، واللي بايعين القضية، بس مش أوي".